Bylisi mbyll ndeshjen në 20 minuta
Bylisi mposht me rezultatin e thellë 4-0 skuadrën e Turbinës në një takim të dominuar nga mallakastriotët nga fillimi e deri në fund. Madje, edhe mund të kishin shënuar më tepër gola nëse do të kishin qenë më të saktë para portës kundërshtare. Me këtë 3-pikësh, Bylisi ruan vendin e dytë dhe ka një ndeshje më pak se ekipet e tjera, sfidën ndaj Shënkollit. Ndërsa Turbina mbetet në zonën e ftohtë dhe rrezikon shumë. Golin e parë e shënon kapiteni Shoshi me penallti dhe pas tij realizon edhe Kolgegaj në të 16-ën minutë. Ky i fundit, dje ishte një nga më të mirët në fushë. Kolgegaj, i cili është 23vjeç dhe ka dalë nga skuadrat e moshave të Bylisit, këtë sezon po luan shumë takime si titullar dhe është një nga pikat e forta të Bylisit. Mesfushori me tipare ofensive ka shënuar edhe golin e dytë në të 20ën minutë. Pjesa e parë e takimit mbyllet me rezultatin 3-0 për skuadrën mallakastriote, e cila dje ishte në një ditë shumë të mirë dhe lojtarët e saj "vallëzonin" me topin. Një sfidë që mbyllet që në fraksionin e parë. Pjesa e dytë është njësoj si e para për Bylisin. Vendësit kërkojnë të shënojnë sërish. Kolgegaj e Murataj, por edhe Ntefe janë të papërmbajtshëm, madje i afrohen shumë golit të katërt. Trajneri Sinan Bardhi hedh
në fushë edhe Dacin për të forcuar mbrojtjen, ndërsa Bylisi e kthen në ndeshje kontrolli. Goli i katër vjen në të 66-ën me Kolgegajn, më të mirin në fushën e lojës. Pas katër golave, skuadra e Bylisit qarkullon dendur topin, ndërsa cërrika-
sit mbrohen me forca të shumta dhe rrallë e përdorin kundërsulmin. Përfundimisht, vërshëllima e trefishtë e kryesorit Roxhers Muska mbyll sfidën me fitoren 4-0 të Bylisit që është në vend të dytë dhe ndjek Tiranën. Pritet që në pjesën e dytë të kampionatit te Bylisi të ketë ndryshime dhe të afrohen disa lojtarë cilësorë. Ballshiotët do të luftojnë deri në fund për t'u rikthyer në Superiore, pavarësisht se do ta kenë të vështirë duke pasur parasysh që përballë është Tirana.