Pa sponsor dhe infrastrukturë, Lushnja po “prish” edhe fushën

Stadiumi drejt degradimit, klubi nuk zgjidh dot %ështjen e stërvitjes

Futbolli lushnjar vijon të mbetet një "gropë e zezë" për Bashkinë e Lushnjës. 400 milionë lekë (të vjetra) të miratuara si "pa të keq", nga Këshilli Bashkiak, që është njëherësh asambleja e "KF Lushnja 1930" sh.a., nuk është asgjë tjetër veçse një subvencionim për klubin dhe shpenzim për aktivitetin futbollistik. Mungesa e trajtesës si nevojë e një diskutimi publik rreth perceptimit qytetar dhe trajtimit ligjor për një shpenzim që e ka burimin nga taksapaguesit lushnjarë, në kushtet e vuajtjes së mungesës së një sponsori, po trajtohet një temë "tabu"! Sikur të mos mjaftojë kjo, futbollit verdhëjeshil i mungojnë edhe investimet. Mungesa e një fushë stërvitore në kushte normale po bën "xhiron e botës". Mirëkuptimi i shqetësimit të qytetarit sportiv lushnjar gjen tjetërsimin e mesazhit. FSHF-ja dhe Bashkia e Lushnjës, që heshtin në kushtet kur zhvillimi i seancave të përditshme stërvitore në fushën

e stadiumit "Roza Haxhiu", po shkatërrojnë një fushë të re, investimin e tyre të përbashkët. Gjysma e impiantit lushnjar e palicencuar sa vjen dhe shkatërrohet përditë. Mungesën e gatishmërisë mbarëshoqërore për të folur hapur për një dukuri-plagë, që komplekset e fryjnë dhe indiferenca e mahis përditë e më shumë. Një asamble që ngre dhe ul kartonin dhe një tifozërie që nuk vjen fare në stadium. Një pjesë e vogël që vjen në stadium në mënyrë automatike apo që qëndron prapa gardhit. Burime konfidenciale nga Bashkia e Lushnjës thanë për "Panorama Sport" se, shoqëria që ka

marrë përsipër komunikimin financiar të publikut lushnjar me stadiumin "Roza Haxhiu", paguhet me 1 milion e 400 mijë lekë (të vjetër) për çdo ndeshje. Në kushtet kur Bashkia heq dorë nga vetëvendosja e hyrjes falas, "klienti" merr autoritetin kundrejt pagesës dhe stadium rri bosh. Alban Alushi