Çudia e Kukësit, do 4 miqësore në 11 ditë por s'ka...trajner
Ndeshja e parë do të luhet ndaj turqve të Kayserisporit
Kukësi ka vendosur të zhvendoset në tokën turke për të kryer fazën përgatitore, ku do të qëndrojë për 11 ditë duke nisur nga data 5 janar dhe deri më datën 11. Gjatë kësaj periudhe, kampionët kanë kërkuar që të luajnë katër ndeshje miqësore ndaj kundërshtarëve të ndryshëm. Edhe pse do të jetë një periudhë e shkurtër dhe ngarkesa e madhe, drejtuesit e klubit nuk kanë ndryshuar axhendën e tyre. Dhe në fakt, miqësorja e parë është zyrtarizuar, e cila do të luhet tri ditë pasi skuadra të mbërrijë në "Kremiln Palace", ku edhe do të
akomodohet përgjatë qëndrimit të saj. Verilindorët, në datën 8 janar, do të luajnë takimin e parë ndaj ekipit të Kayserisporit, kurse kundërshtarët e tjerë ende nuk janë përcaktuar.
TRAJNERI - Mund të duket i çuditshëm fakti që axhenda e
skuadrës së Kukësit nuk ka ndryshuar ashtu siç ka ndodhur edhe me trajnerin Milinkoviç. Ka qenë ky i fundit që kishte hartuar procesin stërvitor dhe atë të miqësoreve në tokën turke duke qenë se e njihte mjaft mirë ekipin dhe e dinte se ku kishte nevojë për
përforcime. Por, trajneri i ri që do të marrë drejtimin e skuadrës mund të mos ketë të njëjtin plan sa i takon ndeshjeve miqësore, pasi do t'i duhet kohë që t'u japë lojtarëve idetë e tij për lojën dhe të njohë aftësitë e çdo futbollisti që ka në dispozicion. Megjithatë, axhenda mësohet se është caktuar dhe pritet vetëm zyrtarizmi i rivalëve që do të luajnë me Kuksianët. Duke parë nisjen e shpejtë të skuadrës për në Turqi, presidenti Gjici duhet që të vendosë sa më shpejt emrin e teknikut që do të drejtojë skuadrën, i cili du- het të nisë nga puna me kontingjentin aktual si dhe të përcaktojë objektivat e merkatos së ekipit të tij. Trajneri i ri do të ketë një periudhë më pak se 20 ditë për të stërvitur ekipin, pasi në datën 20 janar starton edhe pjesa e dytë e kampionatit. Skerdilaid Sulozeqi