Flet ish-avokat i "Djallit": Milani aktual ka vetëm një yll
Leandro Kantamesa është avokati që për thuajse tre dekada mbrojti Milanin në çdo betejë ligjore, në të cilën klubi u përfshi. Në një intervistë për "Gazzetta Dello Sport", njeriu i ligjit ka folur për kuqezinjtë, Berluskonin, duke rrëfyer edhe disa episode simpatike në vitet e tij si avokat i "Djallit".
34 vjeç dhe u bletë nga ekipi juaj i zemrës, por jo si futbollist, si ndodhi?
Në fakt, takimi im me Milanin ndodhi në vitin e rënies nga kategoria. M'u kërkua një mendim nga presidenti Kolombo dhe pasi e shqyrtova çështjen, nuk e mora përsipër. Takimi që ndryshoi jetën tuaj profesionale kur ndodhi? Më 20 shkurt 1986 Silvio Berluskoni bëhej pronar i Milanit. Rastësisht atë ditë u ndodha në klub për të dorëzuar disa dokumente dhe gjeta në dhomën e trofeve "Kavalierin" dhe Adriano Galianin. Sapo më pa, Berluskoni më pyeti se kush isha dhe unë me përulësinë e moshës u prezantova duke i shpjeguar funksionet e mia si avokat. Më pas më pyeti nëse isha milanist dhe kur i thashë që e gjithë familja ishte e çmendur pas Milanit, i kërkoi një asistentit të tij që të më bënte gati kontratën e punës. U habita, por edhe u lumturova.
Ju kujtohet mbrëmja e Marsejës, çerekfinale e Ligës së Kampionëve?
Isha në tribunë dhe ikën dritat. Skuadra nuk donte të rikthehej në fushë pa një ndriçim të përsosur, por ishin nervozë edhe për rezultatin (Milani po humbte 1-0). Galiani më mori një mendim që, nga ana juridike, rezultoi i drejtë dhe kuqezinjtë e humbën ndeshjen në tavolinë. Na thoni një virtyt të Berluskonit?
Besnik dhe me intuitë.
Po një defekt?
Preferoj virtytet e tij.
Me Galianin si ishin marrëdhëniet sepse ka disa legjenda...
Shumë mashkullore, shpesh jemi grindur ashpër. Ai më ka lejuar të shprehem gjithmonë pavarësisht se tonet ishin të larta. Nuk kam njohur njëri më të zotin se Galiani për të bërë llogari.
Vuajtët kur Fasone ju lajmëroi për përfundimin e bashkëpunimit me Milanin?
Sinqerisht jo shumë, por le ta quajmë me emrin ligjor: Ai ishte një pushim nga puna. Në fakt e prisja, pasi ishte logjike që të mos punoja më për klubin. Fasonin e mirëkuptoj, por mendoj se mund të isha ende një ndihmë për klubin.
Çështja më e nxehtë që keni ndjekur për Milanin cila ka qenë?
Çështja "Gerets". Në kolegjiumin e disiplinës humba paturpësisht, por më pas gjeta një rrugëdalje ligjore mbi baza të tjera dhe fituam.
Gëzimi më i madh?
Milan-Steaua, moment i rrallë lumturie në jetën e një njeriu.
Meqë jeni milanist, po idhujt tuaj kush janë?
Dino Sani dhe Xhani Rivera, ndërsa nga Milani aktual preferoj Suson.
Si do të zgjidhet problemi i Donarumës?
Kam heshtur gjithmonë për këtë çështje dhe kështu do të vazhdoj, por mund të them se Milani ka të drejtë.
Jeni një avokat i njohur, po pasione keni?
Nuk jam serioz dhe gjithmonë më ka pëlqyer të qesh dhe të bëj të tjerët të qeshin, megjithatë Milani mbetet pasioni më i madh i jetës sime.