Rumenige: Hejnkes na rilindi, ky si Bajerni i '70-ës
"Rrallë kemi kaluar Krishtlindje kaq të qeta sa këto"
Karl-Hainc Rumeni ge, në fund të vitit ka bërë edhe bilancin e gjysmës së parë të sezonit të Bajernit. Drejtori ekzekutiv ka lavdëruar punën e Jup Hejnkesit në stol, duke e vlerësuar për rilindjen e skuadrës pas problemeve që la pas Karlo Ancceloti. "Jupi ynë bëri një rikthim të mrekullueshëm. Me të fituam 15 ndeshje nga 16 të mundshme", shkruan 62vjeçari në një mesazh Krishtlindjesh dërguar tifozëve dhe anëtarëve të klubit të rekordmenëve gjermanë. "Rrallë kemi pasur mundësi që të festojmë Krishtlindjet në një atmosferë kaq të qetë sa këto ditë."
REZULTAT HISTORIK
Pastaj, në bilancin e vitit kalendarik 2017, Rumenige e krahason me dominimin e Bajernit të Bekenbauerit, Maierit dhe Gerd Mylerit, skuadrën epokale jo vetëm në Gjermani, por edhe në futbollin europian: "2017- ta ishte një vit, me të cilin ne mund të jemi shumë të kënaqur. Kemi arritur rezultatin historik të pesë fitoreve radhazi të titullit. Një domi- ni i tillë i Bajernit nuk ekzistonte që prej së ashtuquajturës epokë e artë e viteve 1970". Skuadra aktuale është në rrugë të mbarë për të fituar edhe titullin e gjashtë radhazi kampion, pasi u shpall kampione dimri me një diferencë prej 11 pikësh. "Për herë të shtatë radhazi, ne u shpallëm kampionë dimri dhe kemi 11 pikë avantazh nga vendi i dytë në renditjen e Bundesligës. Një gjë të tillë është e madhërishme!". Por edhe në Ligën e Kampioneve dhe Kupën e Gjermanisë, bavarezët janë në drejtimin e duhur: "Edhe për këtë arsye, do doja ta falënderoja nga zemra skuadrën."
Falënderime Ançelotit
Pas pushimeve të Krishtlindjeve dhe Vitit të Ri, skuadra do të nisë fazën përgatitore dimërore më 2 janar, me kampin stërvitor në Katar, i cili do të jetë shumë i shkurtër për shkak të Botërorit të verës së ardhshme në Rusi. "Kalle" shton se është i bindur se Hejnkesi do ta përmirësojë më tej këtë skuadër edhe pas pushimeve dimërore, ndërkohë që nuk i kursen falënderimet edhe për ish-trajnerin Karlo Ancceloti për titullin e pestë, i cili u shkarkua pas humbjes ndaj PSG- së 3- 0 në Champions në fund të shtatorit. Ky i fundit nuk ka bërë komente reciproke së fundmi për drejtuesit e Bajernit, për të cilët tha se nuk e mbështetën kur disa prej lojtarëve i dolën kundër.