Drama e Ebuesë: Ja si më rrënoi bashkëshortja
“Dikur jetoja në luks, sot fle në dyshemetë e shokëve”
Ka luajtur një finale të Ligës së Kampi onëve, ka fituar miliona gjatë shtatë viteve karrierë në Premier Ligë, flinte në një shtëpi madhështore dhe pëlqente makinat e shtrenjta. Por, gjatë një rrëfimi shokues, ish-mbrojtësi i Arsenalit, Emanuel Ebue, ka pranuar për të përditshmen britanike "Mirror", se tashmë është "trokë", madje ka qenë edhe pranë vetëvrasjes: 34-vjeçari me origjinë nga Bregu i Fildishtë, i cili ka qenë pjesë e skuadrës së Arsen Vengerit nga viti 2004 në vitin 2011, ka pranuar se e ka konsideruar seriozisht t'i japë fund jetës. Keqmenaxhimi financiar e ka rrënuar dhe divorci i hidhur që po kalon e ka larguar edhe nga tre fëmijët e tij: djali Mathis, 9 vjeç dhe dy vajzat, Klara (14) dhe Maeva (12).
NË DYSHEME - Nuk mund të kërkonte më shumë, por jeta e tij mori një kthesë të papritur, deri në mbetjen e pastrehë. Mbrojtësi 36-vjeçar humbi vilën dhe makinat dhe sot i duhet të flejë edhe në dyshemenë e shtëpive të miqve të tij. Ish-futbollisti nga Bregu i Fildishtë zbulon momentet dramatike të jetës së tij gjatë një interviste.
VETËVRASJE - Ebue ka menduar edhe vetëvrasjen pas sanksioneve të FIFA- s pasi nuk paguante agjentin e tij. "Ka shumë ditë, në të cilat nuk dua të ngrihem nga krevati. Një ditë kam menduar edhe vetëvrasjen", deklaronte në vitin 2016. Por, sot kupton sa naiv ka qenë në menaxhimin e parave dhe akuzon ata që i qëndronin pranë: "Pas gjithçkaje që kam fituar, shoh pas dhe mendoj se sa naiv kam qenë. Është e vështirë. Problemet me FIFAn erdhën për shkak se personat që kisha pranë, më këshillonin keq. Për shkak të tyre, FIFA më ka gjobitur." Por drama e Ebuesë vijoi edhe me divorcin nga gruaja Aurelie, e cila i mori gjithë pasurinë, përfshirë vilën. Ai nuk ka dashur të zbatojë urdhrin e gjykatës dhe për këtë arsye kërkohet nga policia: "Nuk mund të paguajë paratë për një avokat. Është shtëpia ime. Kam vuajtur për ta blerë dhe tani jam i trembur. Nuk dua të shes rrobat e trupit e gjithçka tjetër që kam dhe do të luftoj deri në fund sepse nuk është e drejtë", thotë ai.
ISH- SHOKËT E SKUADRËS - Pas aventurës së tij tek Arsenali, Ebue u transferua në Turqi, te klubi i Galatasarajit, ku firmosi një kontratë faraonike prej 8 milionë eurosh në sezon: "Kjo është shumë e vështirë. Paratë që fitova, ia dërgova gruas time për fëmijët tanë. Në Turqi fitova 8 milionë euro dhe i dërgova të gjitha në shtëpi." Sot, kur ndez televizorin dhe shikon ish-shokët e skuadrës, ndihet i lumtur, por në të njëjtën kohë edhe i turpëruar: Kur shoh
Tierinë (Henrinë) ndihem i lumtur për të, por në të njëjtën kohë më vjen turp për situatën ku ndodhem. Kur shoh të gjithë ish-shokët e skuadrës në televizor, mendoj se duhet të isha edhe unë bashkë me ta. Me Vengerit kam ruajtur rregullisht kontaktet, derisa humba edhe telefonin dhe prej atij momenti nuk kemi folur më. Do të isha shumë i lumtur sikur Arsenali të kishte mundësi të më ofronte një vend pune, qoftë edhe për të stërvitur djemtë e moshave". Pavarësisht vështirësive, Ebue po lufton çdo ditë dhe falënderon zotin: "Nuk doja që të ndodhte e gjithë kjo. Nuk ia uroj askujt."