Nga koktejet te nuni i të birit, dhjetë sekretet e yllit Nejmar
Nejmar është një ndër protagonistët absolutë të botës së futbollit, aq më tepër pas transferimit te PSG-ja verën e kaluar. Si çdo njeri, aq më tepër i famshëm, edhe braziliani ka sekretet e tij.
1- Idhujt e tij janë Robinjo dhe Pele, për të cilët është shprehur: "Robinjon, që kur e kam njohur te Santosi, e admiroj edhe më shumë, ndërsa Pele mbetet më i madhi, pavarësisht se nuk e kam parë duke luajtur. Nuk do të bëhem kurrë më i mirë se ai."
2- Në dollapin e tij te Barcelona ndodhej një fletë rozë, e cila përmban një fjali të shkëputur nga Bibla: "A nuk e dini që në stadium vrapojnë të gjithë, por vetëm njëri e fiton çmimin e madh?"
3- Në vitin 2013, mjeku i Barçës vuri re disa mangësi fizike në trupin e Nejmar. Në kartelën e tij shkruhej se: "Është pak i shkurtër dhe i mungojnë disa kilogramë, por nuk mund të them ekzaktësisht se sa." 4- Nejmar ka një djalë nga një lidhje e tij në moshë të re, për të cilin nuk flet kurrë duke shpjeguar: "Nuk kam shumë për të thënë, është diçka personale". Nuni i fëmijës në fjalë është Ganso, shoku i Nejmar në kohët e Santosit.
5- Në Brazil, shumica e fëmijëve duan të imitojnë dikë, teksa Nejmar ka zgjedhur futbollin për të ndjekur gjurmët e të atit, i cili ka qenë gjithashtu futbollist. Në karrierën e tij, babai i "O'Ney" ka fituar edhe një kampionat të shtetit të Matos me ekipin e Operario Futebol të Varzea Grandes. Teksa në karrierë nuk eci shumë, si menaxher i të birit ai fitoi plot 40 milionë euro për transferimin drejt PSG-së.
6- Në shtator të 2010, shoku i tij i skuadrës, Marselo, ekzekutoi një goditje dënimi dhe 11-metërsh, të cilat Nejmar pretendonte t'i godiste vetë. Që nga ai moment i ndeshjes, sulmuesi aktual i PSG-së nuk i pasonte më asnjë shoku të skuadrës aq sa në fund trajneri i tij, Rëne Simoesh, deklaronte: "Po krijojmë një mostër."
7- Për të bindur Nejmarin për qëndrimin e tij te Santosi, drejtuesit e klubit i prezantuan një plan karriere babait të tij ku si pikë kulmore ishte ulja në fronin "Idhull Kombëtar", një nderim që nuk i ishte dhënë më askujt tjetër që nga ndarja nga jeta e Airton Senës.
8- Dy italianë shpëtuan nga atentati në Barcelonë i 17 gushtit vetëm sepse pak minuta më parë kishin vendosur të shkonin në një dyqan për të blerë fanellën e brazilianit.
9- Për të shtuar masën e tij muskulore, mjekët e Barcelonës i përgatisnin çdo ditë një koktej vitaminash ma bazë mishi të kuq, të bardhë, peshku, thjerrëzash, drithërash dhe spinaqi. Nejmar pinte 300 ml pas çdo ndeshjeje dhe 150 pas çdo stërvitjeje.
10- Për shkak të peshës së tij, trajneri te Santosi, Vanderlei Luksemburgo, në 2009 i vuri nofkën "Krahu i fluturës".