Golden Stejt, dhurata e festave është... humbja
Boston rigjen suksesin pas dy disfatave, Iruing lider
Poshtë pemës së K r i s h t l i n d j e v e , Golden Stejt Uorriors gjetën si dhuratë një humbje me Denverin, edhe pse gjithsesi ata janë të vetëdijshëm se janë dhe mbeten skuadra për t'u mundur. Gjithsesi, duke parë se viti po përfundon, media ka bërë një renditje të ekipeve favorite për titullin e sivjetshëm dhe Uorriors mbeten gjithsesi skuadra që ka në dorë fronin e NBA-së, edhe pse ndiqet nga tri rivale të tjera, të cilat realisht mund ta trembin, siç janë Hjuston Rokets, një surprizë mjaft e bukur sivjet, edhe pse e paralajmëruar; të përhershmit tashmë Klivlend Kavalier, të udhëhequr nga "mbreti" Lebron Xhejms dhe natyrisht Boston Sëlltiks, që sivjet shohin te Kajri Iruing liderin e padiskutueshëm dhe njeriun që mund të ofrojë titullin. Ndërkohë, surprizat e mundshme mund të jenë San Antonio Spërs e Toronto, por edhe Indiana Pejsërs dhe Oklahoma Siti.
NDESHJET E LUAJTURA Dje ka qenë një ditë intensive për basketbollin amerikan, teksa kanë zbritur në fushë thuajse të gjitha skuadrat. Pas dy humbjesh radhazi, më në fund Boston, që gjithsesi vazhdon të komandojë në Konferencën e Lindjes, ka mposhtur 117-92 Çikago Bulls. Kjo ishte fitorja e 28-të sezonale e të gjelbërve, ku protagonist ishte edhe njëherë tjetër blerja fantastike e bërë këtë verë, Iruing,
me 25 pikë. Befasuese ishte disfata e kampionëve në fuqi të Golden Stejt Uorriors, të cilët u shkatërruan me shifrat 96-81 në fushën e tyre nga Denver Naxhets. Ndërkohë, vazhdon kriza e dy skuadrave të Los Anxhelesit. Klipërs u mundën 115-
112 nga Memfis, në një ndeshje të luftuar deri në sekondat e fundit. Evans, edhe pse me 30 pikë të shënuara, zhvlerësoi 38 pikët e Rivers dhe 36 të Uilliamsit për kalifornianët. Humbje edhe për Lejkërsat, që në fushën e tyre u
mundën 95-92 nga Portland. Nju Orlins ka befasuar skuadrën e Majemi Hit, duke fituar 109- 94 në transfertë, duke parakaluar në renditje, pikërisht skuadrën nga Florida për një vend në "playoff". Fiton edhe Atlanta, që mundi 112-107 Dallas. Oklahoma, falë 27 pikëve, 10 asisteve dhe 10 topave në tabelë të Uestbruk mundi 103-89 Jutahn, duke korrur fitoren e 19-të sezonale dhe ngjit shkallët në renditje në Konferencën e Perëndimit. Jashtë fushe fiton edhe San Antonio Spërs, 108- 99 përballë Sakramentos. Alldrixh realizoi 29 pikë, ndërsa veterani Pau Gasol vendos një "triple double" me 14 pikë, 11 topa në tabelë dhe 10 asiste.