Sampdoria, 1 milion euro për Qakën

Dy skuadra të Serisë A në "ankandin e hapur", mund t'i zërë vendin Memushajt

Hapet ankandi… Sampdoria ofron dyfishin e Bragës: 1 milion euro për shërbimet e Kamer Qakës. Merkato zyrtare e transferimeve të dimrit nuk është hapur ende, por interesimet për mesfushorin kuqezi nuk kanë munguar. Shpërthimi i tij në kampionatin rumun, si dhe afrimi në Kombëtaren e Shqipërisë, ka sjellë benefitet e para. Shqiptari është një nga më të kërkuarit e skuadrës rumune, Poli Iasi. SAMPDORIA

Një nga njerëzit më prezentë në mediat rumune është momentalisht presidenti i Poli i Asit. Adrian Ambrosie ka dalë sërish në mediat rumune për të hedhur dritë rreth interesimeve që ka në adresë të futbollistëve të skuadrës së tij, ku në qendër të interesimeve është Kamer Qaka. "Ashtu siç ka interesime për Qakën dhe Jo Santos, edhe ne kemi bërë piketimet tona për lojtarët që duam të afrojmë. Bisedimet do të vijojnë në ditët në vijim, ku së fundmi për Qakën kanë ardhur disa oferta nga Italia. Benevento dhe Sampdoria kanë shprehur interes", ka deklaruar presidenti i skuadrës rumune për "gsp.ro". 1 MILION EURO

Sipas mediave italiane, në drejtim të shërbimeve të mesfushorit 22-vjeçar, skuadra e Sampdorias është e gatshme të ofrojë 1 milion euro. Ky është edhe minimumi i mundshëm që skuadra rumune ka kërkuar për kartonin e mesfushorit kuqezi. Nga sa bëhet me dije në mediat përtej Adriatikut, me shumë interes është duke e ndjekur situatën e mesfushorit edhe Benevento e Ledian Memushajt dhe e Berat Gjimshitit. Pak ditë më parë ishte edhe vetë Qaka që pranoi mundësinë e largimit dhe deklaroi se me 80% të mundësive do të largohet.