Spaleti përgatitet për ciklin e ferrit
rajneri: Do jetë një periudhë e rëndësishme e sezonit, duhet t'i fitojmë të gjitha
Nëse Milani "qan", Interi nuk qesh. Rezultatet e fundit kanë ndikuar negativisht në entuziazmin e zikaltërve, që tashmë do përballen me "kushërinjtë" për herë të dytë këtë sezon, këtë radhë në Kupën e Italisë. Një sfidë që nis një cikël të rëndësishëm edhe në kampionat, me Lacion, Fiorentinën e Romën sipas radhës. "Mund të jetë një periudhë e rëndësishme, është e qartë që këto skuadra kanë një vlerë të lartë, por duhet t'i fitojmë të gjitha ndeshjet dhe secili nga kundërshtarët mund të na krijojë vështirësi", është shprehur ditën e djeshme Luçiano Spaleti për "Premium Sport".
KALENDARI - "Alarmi" që ra pas ndeshjes me Udinezen e Sasuolon, pa harruar edhe parantezën me Pordenonen, duhet të fiket sa më shpejt, përndryshe rrezikohet të dëmtohet ajo çka është ndërtuar deri më tani. Sigurisht, kalendari nuk ndihmon. Dëmtimet e D'Ambrozios e Mirandës më pas kanë ardhur në momentin më të gabuar: në prag të duelit mes dy milanezëve, njëri nga derbet me delikatë për të dyja skuadrat. Kush humbet, rrezikon rëndë, e jo vetëm eliminimin.
FORMACIONI - Dhe nëse për Milanin do ishte vetëm vazhdimi i një sezoni të tmerrshëm, për Interin një ndalesë do hapte skenarë të rinj e të papritur. Edhe Spaleti është i vetëdijshëm, ndaj nuk dëshiron t'u bëjë favore "kushërinjve", duke limituar në maksimum ndërrimet në formacion. Automatikisht Ranokia do marrë vendin e brazilianit Miranda në qendër të mbrojtjes përkrah Shkrinjarit, Kanselo do pozicionohet në korsinë e djathtë, ndërsa Nagatomo në të majtë. {hoao Mario shihet në avantazh ndaj Brozoviçit pas krahëve të Ikardit, për pjesën tjetër në fushë do jenë titullarët. } etë tifozët i kanë kërkuar të mos ekzagjerohet me zëvendësimet dhe rrotacionin sepse derbi mbetet gjithmonë derbi dhe në futboll mjafton pak për të kaluar nga "gjeni" në fajtor...
SYTË TEK OBJEKTI I - Gjithashtu, dalja nga skena e Kupës nuk do ndihmonte
as për kampionatin. Kundër Lacios, Fiorentinës e Romës duhen mbledhur sa më shumë pikë të jetë e mundur sepse në rast të kundërt do ndërlikohej akoma më shumë gara për Ligën e Kampionëve, objektivin e vërtetë sezonal të Interit.