Partizani do Arapin, Adorjan u ngec në derë
Të kuqtë telefonojnë mbrojtësin që luan në Turqi, pritet akordi
Kristian Adorjan, mesfushori hun garez i ardhur me shumë bujë te skuadra e Partizanit, nuk është më në planet e stafit teknik, të cilët janë duke u munduar të gjejnë një zgjidhje për të prishur kontratën e tij. Hungarezi, kartoni i të cilit është në pronësi të skuadrës italiane te Seria B, Novara, është aktivizuar në një pjesë të mirë të ndeshjeve me të kuqtë, por nuk ka arritur të bindë, edhe pse në kohën që ekipi drejtohej nga Iuliano kishte një vend në formacionin bazë. Por, ajo që po shqetëson më shumë në këto momente drejtuesit e Partizanit është rroga e majme që futbollisti merr. Burime të besueshme pranë klubit kryeqytetas, kanë bërë me dije se Adorjan përfiton një rrogë prej 9 mijë eurosh në muaj dhe në rast se klubi i kuq arrin të shkëpusë marrëdhëniet me lojtarin, ky buxhet mund të përdoret për të marrë një tjetër lojtar cilësor. Por, problemi i vetëm është klubi i Novarës që e ka dhënë në huazim futbollistin te Partizani. Në bazë të rregullave të huazimeve, Adorjan duhet të kthehet sërish te Novara dhe më pas është ky klub i gjen një tjetër skuadër. Por, italianët nuk kanë pranuar që futbollisti të rikthehet në skuadër pa mbaruar kontrata që ka me Partizanin.
ALTERNATI<AT - Duke parë refuzimin e Novarës, të kuqtë mësohet se kanë hyrë
në bisedime me menaxherin e mesfushorit, në mënyrë që të gjendet një tjetër skuadër, ku Adorjan të vazhdojë karrierën e tij futbollistike. Deri në këto momente, një klub i tillë nuk është gjetur dhe praktikisht Adorjan është pjesë e Partizanit. Nuk përjashtohet
mundësia që menaxheri i futbollistit të gjejë një tjetër skuadër për futbollistin dhe Partizani të shkëpusë marrëdhëniet me të. Edhe Novara mësohet se ka dhënë miratimin e saj për një lëvizje të tillë. Por, nëse kjo zgjidhje nuk arrin të realizohet,
atëherë drejtuesit e Partizanit do të jenë të detyruar që të paguajnë futbollistin me rrogën e tij deri në fund të sezonit, ashtu siç është firmosur edhe kontrata, pavarësisht nëse lojtari luan apo jo në ndeshjet e mbetura të këtij sezoni futbollistik.