Gatuzo mban fjalën, fjalën, Milani Milani merr merr hak ndaj Interit
Kutrone vendos në kohën shtesë, Gatuzo mban premtimin
Vendos Kutrone. E tashmja thotë që Milani është në gjysmëfinale me zikaltrit jo vetëm që eliminohen, por edhe regjistrojnë humbjen e tretë radhazi. Gatuzo, nga ana e tij, më në fund merr frymë thellë dhe shpreson te kthesa jo vetëm e rezultateve, por edhe tek ajo psikologjike. Spaleti tërbohet pas golit në shtesë dhe nis të pyesë veten se ku i ka humbur Interi i tij dhe a mund të ndalohet kjo rënie e lirë.
PROTAGONISTË - Derbi nuk ishte spektakolar, me Milanin ende larg lojës që jeton falë teknikës së Susos dhe fizikut të Kesit. Interi i djeshëm nuk pati asnjë nga këto cilësi, Ikardi nuk goditi kurrë në portë, madje edhe kur shërbeu, pasimi i tij nuk u shfrytëzua si duhet. Rënia e Interit brenda një muaji është e frikshme e ndoshta përkon me atë të Perisiç që as dje nuk u paraqit në nivelet e tij. Futjet në lojë të Kalabrias, Çalhanoglusë dhe Kutrones të paktën i dhanë pak energji Milanit, ndërsa ndryshimet e Spaletit nuk "ndryshuan" asgjë. Ftohtësia e sulmuesit kuqezi në shtesë, pas pasimit milimetrik të Susos për golin e 1-0, ofron një rezultat që edhe mund të pranohet, ndërkohë Kutrone regjistron rrjetën e nëntë sezonale.
DONARUMA TJETËR - Lajmi i mbrëmjes rrezikoi të rezultonte dëmtimi i Storarit me Antonio Donarumën që zbret në fushë si portieri i tretë, por njëkohësisht edhe me etiketën "Vëllai i Xhixhos" apo "Zotëria 1 milion euro". Ja që shndërrohet pikërisht ai në protagonist, megjithëse në minutat e para luan qetë dhe përpiqet të mbajë nën fre emocionet dhe ndonjë vërshëllimë. Në minutën e 24-t, Antonio "lag" debutimin me një autogol, por për fatin e tij dhe të Milanit VAR-i anulon gjithçka, pasi Ranokia është në pozicion jashtë loje në krosimin e Perisiçit. Në pjesën e dytë, Zhoao Mario godet mbi trupin e Donarumës që bën pritjen e mbrëmjes. Me Interin, që nuk e cenon seriozisht, është Kutrone që i largon emocionet duke shënuar golin e fitores.
INTERI DHE RINO - Spaleti zgjedhjet e tij i bëri në bazë të dëshirës, por edhe disa dëmtimeve. Me Nagatomon, Kanselon dhe Ranokian titullarë të detyruar, tekniku zikaltër vendosi t'i besonte Zhoao Marios. Portugezi nuk bën asgjë për të justifikuar besimin, madje fal Milanin në momentin që Interi mund të
sillte në shtëpi një fitore më shumë se të çmuar. Në të vetmin gabim të Handanoviç, është Bonaventura që nxjerr topin me kokë jashtë. Kuqezinjtë me Biljan jashtë forme, në mesfushë Milani ka vetëm Kesin dhe Bonaventurën që sakrifikohet deri në fund. Kaliniç
zhvillon një ndeshje të mirë, por Shkrinjar i stampon takat mbi kavilje dhe e detyron të dalë. Zëvendësuesi i kroatit shndërrohet në heroin kuqezi të derbit, por ndoshta ishte e drejtë kështu me Rinon që, nën lot dhe shi, feston poshtë tribunës së tifozëve të "Djallit".