Shkodra firmos për 4 mijë euro në muaj, ja synimet e ukësit
Mesfushori është afrimi i parë i kampionëve
Donjet Shkodra është afrimi i parë i Kukësit në merkaton e janarit. Në ditën e prezantimit të trajnerit të ri, Peter Pakult, klubi zyrtarizoi edhe mesfushorin kosovar. Fantazisti prishi me konsensus kontratën me Skënderbeun dhe menjëherë gjeti marrëveshjen me Kukësin. Shkodra ka firmosur për një vit e gjysmë me kampionët në fuqi, teksa do të përfitojë një pagë prej 4 mijë eurosh në muaj. Ashtu si te Skënderbeu, edhe te Kukësi ai do të mbajë fanellën me numrin 10 mbi shpinë. Klubi verilindor kishte tentuar më parë fantazistin e Luftëtarit, Eduard Rroca, por gjirokastritët nuk e pranuan ofertën
për kartonin. Në këto kushte, zgjidhja më e mirë për të gjetur një mesfushor tipik organizator ishte Shkodra, i cili gjeti pak hapësira te Skënderbeu. Kërkotiç & CO - Kukësi është nisur drejt Antalias për të kryer fazën përgatitore në Turqi, por te lista e publikuar nga vetë klubi bien në sy tri
mungesa: Millosh Kërkotiç, Albi Dosti dhe Filip Osman. I pari ka dalë jashtë planeve të klubit, por nuk po zgjidh ende kontratën. Malazezi nuk mund të luajë në një ekip të tretë, pasi e nisi sezonin te Mlladost e më pas u transferua te Kukësi. Ndërsa Dosti ishte në planet e drejtuesve, por befas dje palët nuk kanë gjetur një marrëveshje, për më tepër që mësohet se lojtari nuk i është përgjigjur klubit përmes telefonit. As serbi Osman, që u provua në periudhën e Milinkoviç, nuk do të përfshihet në skuadrën verilindore, edhe pse më parë drejtuesit kishin bërë gati firmosjen e kontratës. S. Sulozeqi