Afrikanët presion për gjyq, Tirana: Jemi në rregull
"Kemi të huajt më cilësorë, akord me Hoxhallarin"
Fiksimi i Ze Marias për ish- lojtarët po shoqërohet me akuza të forta nga Kenia. Rishtas Gor Mahia ka kërcënuar Tiranën me gjyq në FIFA, ndërsa pretendojnë se po u marrin Mugunën dhe Musan në mënyrë të parregullt. Megjithatë, në kampin bardheblu mendojnë krejtësisht ndryshe. Dhe, për të sqaruar gjithçka, për "Panorama Sport" ka folur Hektor Çomo. Menaxheri i përgjithshëm i klubit kryeqytetas, i cili është dhe personi që ka mbyllur marrëveshjet me Gor Mahian, në këtë intervistë rrëfen edhe planet e tjera të merkatos, ndërsa zbulon se Hoxhallari ka arritur akordin e rinovimit dhe Doka do shitet.
Gor Mahia ju akuzon se ka parregullsi për transferimin e Mugunës, madje theksojnë se nuk keni paguar. Çfarë marrëveshje keni konkretisht?
Më datë 7 dhjetor është mbyllur marrëveshja mes meje, si përfaqësues i Tiranës, presidentit të Gor Mahias dhe vetë lojtarit. Sipas kësaj kontrate thuhet që: në momentin që Tirana merr ITCnë, brenda 14 ditëve, jemi të detyruar që të paguajmë edhe paratë. Pra, ne duhet të paguajmë kartonin brenda këtij afati. Tani ata na kanë dalë me pretendimin se i duan përpara, një presion i pakuptimtë ky. Me sa ka marr vesh sponsori i tyre kryesor është larguar dhe në kësi kushtesh kanë mbetur keq për parà, ndaj po veprojnë në këtë formë. Por kjo nuk do të thotë që s'do e respektojnë marrëveshjen. Unë u besoj provave që kam në dispozicion dhe në këtë rast është kontrata. Lojtari bëhet yni kur të vijë konfirmimi i transferimit ndërkombëtar dhe ne të paguajmë paratë. Pra, nuk ka asgjë të parregullt këtu.
Ka ndonjë rrezik që të bllokohet transferimi i Mugunës?
Asnjë lloj rreziku. Ne kemi bërë aplikim në sistem dhe tani presim konfirmimin e Gor Mahias. Pas 14 ditëve pritjeje, do të nisim procedimin e një ITC-je provizore, gjithnjë nëse kenianët nuk japin OK-in.
Kenianët kanë hedhur pretendime edhe për Musa Muhamed, i cili duket se i ka mashtruar duke thënë që do provohej në Turqi?
Sa i përket kësaj pjese, unë nuk di asgjë. Unë di vetëm që Musa ka një kontratë me Gor Mahian deri më 14 janar të këtij viti. Ne kemi biseduar paraprakisht me të dhe kemi gjetur akordin edhe për termat ekonomikë. Ai është shumë i gëzuar, pasi do bashkëpunojë me Ze Marian. Kjo njohje e hershme solli dakordësinë. Pastaj, se çfarë u ka thënë Musa kenianëve për Turqinë dhe provën ne nuk kemi dijeni.
Është vetëm akord parimor...?
Me ne ka parakontratë që nis më 15 janar 2018, pra një ditë pasi mbetet i lirë. Dhe, në bazë të rregullores së FIFA-s, një lojtar që është në skadencë mund të nënshkruajë një parakontratë pune me një tjetër klub 6 muaj para se t'i mbarojë kontrata. Ndaj jemi brenda rregullave. Parakontrata jonë me të është për 2 vite e gjysmë, e cila bëhet aktive më 15 janar 2018.
Po me Uellisonin si u mbyll marrëveshja?
Kur arritëm akordin me Musën, menduam që ta lëmë të lirë Uellisonin, pasi kushtëzoheshim për numrin e të huajve. Madje, unë po mendoj edhe të huazoj ndonjë tjetër tani. E analizuam me stafin teknik këtë dhe ramë dakord që duhet të japim disa në hua. Ka shumë "okazione" në merkato, ndaj pretendojmë që të blejmë lojtarët dhe më pas t'i japim hua diku. Po shohim një mesfushor konkretisht, shumë teknik. Janë raste shumë të mira në treg, që nuk duhen humbur. Po kap si shembull rastin e Ngoosë, edhe pse kishim Sentamun, për një lojtar me CV-në Majkëllit që ka dalë nga Liverpuli ka vend gjithnjë.
Çështja më e diskutuar është ajo e shitjeve, ndaj mund të na zbuloni si do të operohet me lojtarët që kanë oferta?
Varet. Për momentin mund të përmend vetëm Dokën, i cili ka 2-3 oferta. Po i studiojmë, por s'kemi vendosur. I kemi vendosur një çmim taban shitjes së tij, ndaj pa këtë shumë, nuk ikën. Por edhe të huajt kanë oferta. Tirana për