Shtohen rivalët, e Bron pesimist
ashington, Boston, Majami po luajnë mirë, Toronto po luan basketboll të jashtëzakonshëm
Janë zhvilluar dje në mëngjes 12 ndeshje për kampionatin e basketbollit më të shkëlqyer në botë, atë të NBA- së, në SHBA. Boston fitoi 102- 88 ndaj Kavaliersave në ndeshjen "Big" të Konferencës së Lindjes, të cilat mund të konsiderohen dhe si dy ekipet më të mira në këtë kah të NBA-së. Ka qenë një ndeshje e dominuar nga basketbollistët e Sëlltiks që korrën suksesin e 32-të sezonal falë një loje të mirë kolektive (43 pikë erdhën nga lojtarët e stolit), me 6 lojtarë që realizuan mbi 10 pikë (Rozier, 20 pikë). Për Kavaliersat u dallua Le Bron Xhejms, autor i 19 pikëve, por i pambështetur sa duhet
nga skuadra. Me këtë humbje, skuadra e Klevelandit ka treguar edhe një herë vështirësitë që po përballet këtë vit. Madje, pas kësaj humbje të fundit, basketbollisti i mirë i kësaj skuadre, Le Bron Xhejms, është shprehur se vërtet ekipi i tij do ta ketë shumë më të vështirë që të shpallet kampion në Konferencën e Lindjes. "Jam gjithnjë i shqetësuar për faktin se skuadrat e tjera përmirësohen dita- ditës. Por më shumë jam i shqetësuar për ekipin tim dhe se si mund të përmirësohemi", thotë Xhejms që pas kësaj humbjeje, Kleveland ka zbritur në vendin e tretë. Më tej, ylli i Kavaliersave shton: "Uashington, Boston, Majami po luajnë gjithnjë e më mirë, por edhe Toronto po luan një basketboll të jashtëzakonshëm. Lindja është bërë një kampionat mjaft i fortë, ndërsa ne nuk jemi ende aq të fortë sa t'i shpartallojmë të gjithë. Kemi bërë ndeshje të mira, por tani nuk jemi më në të njëjtin nivel. Të shohim se çfarë do të ndodhë në vijim, por jam gjithnjë i shqetësuar për rivalitetin në rritje në Konferencën e Lindjes", u shpreh Le Bron James. Fiton dhe skuadra e Torontos që në minutat e fundit përmbysi Çikagon duke fituar 124115, ndërsa Filadelfia mposhti 112-106 San Antonion, ndeshje me rivalitet deri në fund. Fitore e vështirë për Golden Stejt që mundi 125- 122 Dallas, në një ndeshje me rivalitet deri në fund. Hjuston doli fitues nga fusha e Orlandos, 116- 98, ndërsa fiton edhe Majami, e cila mundi 111-104 Detroitin.