60 humbje radhazi8 ish-trajneri apel drejtues9e
Skuadra e Lushnjës në volejboll për femra po kalon një situatë shumë të vështirë. E mbylli një fazë me të gjitha ndeshjet e humbura, duke mos grumbulluar të paktën një pikë. Ka arritur të fitojë vetëm një set duke bërë që ajo myzeqare të jetë skuadra më e rrezikuar për të rënë në grupin A2. Trajneria Vasilika Gjika dhe kapitenia Erilda Allkanjari, edhe pse kanë hasur në mjaft vështirësi problematike, kanë bërë e po bëjnë të gjitha përpjekjet që skuadra e vajzave të Krutjes, e dalluar në volejbollin shqiptar të femrave, të arrijë vendin e shtatë, që është dhe zona "play out". Vendimtare për këto vajza do të jetë ndeshja e parë e fazës së dytë, ku Lushnja do ta luajë në Peshkopi me Korabin. Ish-trajneri historik i Lushnjës, Llazar Llupo, gjatë një prononcimi për gazetën "Panorama Sport", u shpreh: "Skuadra është në një situatë shumë të vështirë. I ka humbur të gjitha ndeshjet duke qenë nën nivelin e skuadrave të tjera. Te kjo skuadër mungon elementi i përvojës, të cilin e ka pasur një vit më parë. ? në mendoj se nuk duhet kërkuar çdo gjë te trajnerët apo tek ekipi. Duhet të lëvizin institucionet drejtuese dhe të reagojnë, kur shohin një ekip që humbet nga java në javë. Skuadra ka nevojë për elementë cilësorë, pasi largimet e vitit të kaluar nuk mbushen vetëm me lojtare të reja. Megjithatë, shoh që nuk ka interes dhe, në lidhje me qëndrimin në grupin A1, gjithçka do të varet nga ndeshja e drejtpërdrejtë që skuadra do të luajë me Korabin, në Peshkopi", është shprehur ish-trajneri legjendar Llazar Llupo, njeriu që ideoi dhe themeloi Krutjen e madhe në vitet '80. Më poshtë shikoni në tabelë të gjitha ndeshjet e luajtura deri tani nga ekipi lushnjar, ku figurojnë 10 humbje. Alban Alushi