Hysaj rekord, kartoni vlen 70 milionë euro
Vlerësimi, mbrojtësi i Kombëtares renditet i 60-ti në botë, lë pas yje europianë
Napoli shpenzoi pesë milionë euro për kartonin e mbrojtësit. I transferuar nga Empoli, Elseid Hysaj u bë një prej futbollistëve që e ndoqën trajnerin edhe në elitën e futbollit italian. Mirëpo, forma dhe paraqitjet që mbrojtësi i kombëtares ka bërë, e kanë shumëfishuar vlerën e tij...
Napoli shpenzoi pesë milionë euro për kartonin e mbrojtësit. I transferuar nga Empoli, Elseid Hysaj u bë një prej futbollistëve që e ndoqën trajnerin edhe në elitën e futbollit italian. Mirëpo, forma dhe paraqitjet që mbrojtësi i kombëtares ka bërë, e kanë shumëfishuar vlerën e tij në treg. Në bazë të përllogaritjeve që bën Observatori Europian i Futbollit (CIES), Elseid Hysaj renditet i 69-ti për nga vlera e lojtarit. Mbrojtësi i Kombëtares vlen 70.5 milionë euro.
RENDITJA
Në bazë të këtyre përllogaritjeve, shqiptari duket qartësisht se e ka shumëfishuar vlerën e tij. Në fillim është paguar rreth 5 milionë euro nga Napoli në adresë të skuadrës së Empolit, ndërkohë që momentalisht vlera e tij është shumëfishuar më shumë se 20 herë. Hysaj është nën kontratë me napolitanët deri më 2021 dhe për ta prishur atë, ka një klauzolë prej 50 milionë eurosh të vendosur nga presidenca e napolitanëve. Me këtë vlerë, ai arrin që të lërë pas vetes emra të mëdhenj të futbollit botëror momentalisht. Kjo bën që skuadrat e tjera të interesuara për shërbimet e shqiptarëve gjatë merkatove
në vijim të përpilojnë një ofertë konkrete dhe me shifra të majme, në mënyrë që të bindin jo vetëm futbollistin kuqezi, por edhe vetë drejtuesit e Napolit për ta lënë atë të lirë. Mbrojtësi i djathtë është një ndër të pazëvendësueshmit te skuadra
napolitane, e cila po kryeson Serinë A.
TOP 10
Listën e futbollistëve më të shtrenjtë e kryeson Nejmar. Me kalimin e tij te PSG-ja është bërë edhe futbollisti me vlerën më të lartë për momentin, ndërkohë që ndiqet
nga Lionel Mesi dhe pas argjentinasit vjen Herri Kejn. Portugezi i Real Madridit, Kristiano Ronaldo, përllogaritet me vlerë rreth 80.4 milionë euro që e rendisin portugezin në vend të 49-të në bazë të këtyre përllogaritjeve nga CIES.