Nga Fejzullahu te Sukaj, si u zbehën xhevahirët

Keqmenaxhimi dhe zemërgjerësia e Demit kanë pasur ndikim

15 mijë euro të arkëtu ara dhe mbajtja e 20% të vlerës së kartonit është transaksioni më i fundit që Apolonia ka bërë në merkaton e dimrit, ku sulmuesi Blerim Krasniqi kaloi nga skuadra e Kategorisë së Parë te kryesuesit e Superiores, Skënderbeu. Sollëm këtë shembull për të treguar keqmenaxhimin dhe zbehjen e vlerave që Partizani u ka bërë xhevahirëve të tij në pesë sezonet e fundit, që përkojnë me rikthimin në Superiore. Me lojtarët që ka pasur në organikë, Partizani gjatë këtyre viteve, të paktën, mund të kishte arkëtuar të ardhura të majme, pasi sa u përket trofeve, justifikimi është: Po punojmë, vitet i kemi përpara. Titulli i fundit kampion është marrë në 1993-shin, ndërsa Kupa e fundit në 2004-ën. Shkaqet e këtij dështimi me zbehjen dhe mospërfitimin e nga lojtarët cilësorë ka të bëjë me keqmenaxhim e klubit, ku ka gabuar me aftat kontraktuale, por edhe mungesa e njerëzve të duhur për të nxjerrë në treg talentet. Në disa raste ka pasur ndikim edhe zemërgjerësia e presidentit Gaz Demi, i cili nuk është bërë pengesë në lënien të lirë të lojtarëve të veçantë.

MEVLAN MURATI - Gabimet nisën që pas kthimit në Superiore në sezonin 20132014. Mevlan Murati erdhi me parametër zero nga Shkëndija e Tetovës, si përforcim për krahun e majtë të mbrojtjes. Lojtari përfitoi edhe pasaportën shqiptare dhe u bë pjesë e kombëtares U-21, ku luajti një ndeshje miqësore. Partizani, por edhe kuqezinjtë e lanë të lirë dhe Murati arriti të shkëlqente te Shkëndija, si dhe u bë pjesë e triumfit të kombëtares maqedonase U-21 në Europian.

ARDIAN CUCULI- Një sezon më pas, trajneri Shpëtim Duro solli disa lojtarë të talentuar në ekip, nga të cilët ka ende nga ata që janë shtylla e ekipit. Nga Shkëndija e Tetovës, Partizani mori Ardian Cuculin, një mbrojtës potent në të majtë dhe në qendër. Në përfundim të sezonit 2014-2015 të kuqtë e lanë të lirë, duke dobësuar veten, pasi ende nuk e kanë gjetur zëvendësuesin e tij, si dhe nuk përfituan asgjë financiarisht.

AMIR RRAHMANI- Një nga gabimet me peshë të "demave" është edhe Amir Rrahmani, i cili u afrua te të kuqtë

në moshën 19-vjeçare, u bë pjesë e kombëtareve, por Partizani nuk preferoi që t'i rinovonte kontratën dhe e la të lirë në 2015-ën. Mbrojtësi kaloi te RNK Split me parametër zero dhe, pas një sezoni, ai u shit për 1.6 milionë euro te Dinamo Zagreb. Partizani ka fituar të drejtën për të arkëtuar kuotën e formimit të lojtarit, diku te rreth 60 mijë euro, por akoma nuk i ka marrë nga kroatët e Splitit.

ARBNOR FEJZULLAHUMbrojtësi nga Presheva u ble për 30 mijë euro nga Besa në 2014-ën dhe, falë paraqitjes me Partizanin, arriti

të bëhet pjesë e Kombëtares, ku pati dhe oferta të majme. Partizani jo vetëm që nuk ka përfituar gjë, por së fundmi i ka zbehur shumë vlerat edhe lojtarit, i cili nga keqmenaxhimi i klubit ka humbur mundësi "të arta" për të prezantuar veten në Europë.

MENTOR MAZREKAJMesfushori nga Prishtina ishte një lojtar me karakter të vështirë, por i talentuar. Partizani nuk arriti ta menaxhonte lojtarin, ku të paktën mund të kishte gjetur ndonjë destinacion nga ku mund të kishte përfituar financiarisht. Mazrekaj nga yll, përfundoi si kusur te Prishtina.

XHEVAHIR SUKAJ- Pas shkëlqimit në sezonin 20152016, Partizani pati luksin që ta lërë të lirë Sukajn dhe të prezantohej në Europë pa sulmues të mirëfilltë. Në këtë rast vendosi zemërgjerësia e presidentit Demi, i cili nuk kërkoi asgjë dhe i plotësoi dëshirën Sukajt që të shkonte në Malajzi, ku edhe u dëmtua më pas.

KALEB EKUBAN- Sulmuesi ganez ishte zbulimi i Partizanit në edicionin e fundit, por të kuqtë nuk arritën që të përfitonin asgjë nga promovimi i Kaleb Ekubanit. Të

kuqtë nuk u tregun të ndjeshëm në këtë rast, ku në janar mund të kishin përfituar nga një transferim i mundshëm, pasi pati oferta pas shkëlqimit në fazën përgatitore në Turqi.

ALBAN HOXHA- Falë paraqitjes me Partizanin, portieri Alban Hoxha pësoi një rilindje, ku arriti të bëhet edhe pjesë e ekipit kombëtar. Në disa periudha të merkatos ka pasur oferta për portierin, por klubi i ka injoruar duke mos përfituar asgjë. Nga ky keqmenaxhim, klubi jo vetëm që nuk përfitoi financiarisht, por së fundmi ka zhvlerësuar edhe vlerat e "gardianit", të cilin e bëri shembull në fillim të këtij sezoni.

LORENC TRASHI- Erdhi te Partizani nga Lushnja dhe me paraqitjen e tij në dy sezonet e para me fanellën e kuqe, Lorenc Trashi u bë një nga lojtarët më të spikatur. Drejtuesit e kuq nuk arritën që të përfitonin nga shkëlqimi i mesfushorit nga Gramshi, madje në vitin e fundit ka punuar në prishjen e imazhit dhe cilësinë e lojtarit duke e përshtatur në role të ndryshme. Vetëm portierin nuk ka bërë Trashi te Partizani.