Merkato, Sabatini presing Zhangut
Për Ramirezin, Interi merr përgjigje brenda 2 orëve. Për mbrojtjen ideja është Janga-Mbiua
Misioni i Valter Sa batinit në Kinë ka nisur në mënyrën e duhur. Koordinatori teknik i "Suning" është takuar menjëherë me pronarin e grupit investitor, Zhang Jindong: rasti ka qenë mbledhja e Jiangsu, skuadra kineze e stërvitur nga Fabio Kapelo. Sabatini do qëndrojë edhe ditët e ardhshme në Nankin, ku do koordinojë merkaton e Jiangsusë e do diskutojë thellësisht lidhur me të njëjtën çështje për Interin.
"FAIR PLA " - Që ditën e sotme mund të ketë një takim me padronin e "Suning" dhe me njerëzit e tij. Sabatini duhet të bindë Zhangun të investojë në merkaton zikaltër, një çështje jo e thjeshtë, por janë hapur disa shtigje. Udhëtimi i Sabatinit në Kinë duhet të shërbejë për t'i bërë "Suning"-ut të kuptojë që, siç ndodhi qershorin e kaluar, "fair play" mund të respektohet me shitjet e duhura, mbi të gjitha nëse skuadra arrin objektivin Champions.
MBROJTJA - Sabatini, nëse nuk arrin të ketë gatishmërinë e Zhangut, nuk do ketë në dispozicion resurse të mëdha. Interit megjithatë i nevojitet në mënyrë jetësore një qendërmbrojtës dhe kandidati i duhur mund të jetë Janga-Mbiua i Lionit. Sabatini e njeh mirë dhe e kishte marrë më parë te Roma: 28vjeçari ka eksperiencë në Serinë A dhe në Francë po luan shumë pak, një marrëveshje mund të arrihet me formulën e huazimit. Gjithashtu, Interi është rikthyer edhe te një njohje e vjetër: Rolando, në skadencë kontrate me Olimpikun e Marsejës. Objektivi i Sabatinit është të paraprijë largimin nga klubi francez. Në këtë aspekt, raportet e mira me trajnerin Rudi Garsia mund të bëjnë diferencën. Një tjetër alternativë është Domeniko Krishito, që tashmë në moshën 32-vjeçare, ka vendosur të mos e rinovojë kontratën me Zenitin (i skadon në qershor).
RAMIREZ - Për mesfushën, Ramirez duket zgjidhja më e mundshme (dhe më e lehta): për brazilianin Jiangsu mund të miratojë huazimin falas nëse nuk do garantohet buxheti-ekstra (përgjigja brenda 72 orëve). Në të njëjtin repart po monitorohet edhe Deulofeu, por Barça kërkon garanci: thjeshtësim në bisedimet për transferimin e mundshëm të Shkrinjarit.
RAFINJA - Një tjetër lojtar i dobishëm do ishte Rafinja i Barcelonës. Spanjolli (megjithëse ka zgjedhur kombëtaren braziliane) nuk luan prej shumë kohësh, por duket i riaftësuar nga dëmtimi: mund të mbulojë tre role pas sulmuesit dhe do ishte perfekt për futbollin e Spaletit.