Nica shkund skuadrën: Jeni për turp, po largoni tifozët!
Zyrtarizohen Bilali dhe Mustafov, sot në Antalia
Teuta ka mbyllur përgatitjet në Durrës dhe mesdita e sotme do t'i gjejë të akomoduar në Antalia, ku do të qëndrojnë 10 ditë për të zhvilluar fazën përgatitore të janarit. Stërvitja e fundit në Durrës u karakterizua nga disa ushtrime taktike për të vijuar më pas me një lojë brenda ekipit. Trajneri Stavri Nica kritikoi ashpër lojtarët, teksa në disa momente nuk e mbajtën nervat pas gabimeve të lojtarëve duke shpërthyer: "Nuk sulmoni njëherë siç është për të sulmuar. Nuk dini të bëni këtë as këtë! Çfarë dini ju? Nuk ju vjen turp? A e shikoi që nuk vjen t'u shohë njeri në stadium?! Pse ndodh kjo? E thjeshtë fare, sepse ju luani keq", u tha 63vjeçari lojtarëve në stërvitje. Me Nicën, që është i fokusuar te stërvitja, drejtuesit kanë zyrtarizuar edhe afrimin e dy lojtarëve që vijnë nga Superliga e Maqedonisë, Amir Bilali dhe Burhan Mustafov. Si
Amir Bilali mbrojtësi, ashtu edhe mesfushori, pasditen e djeshme janë bashkuar me skuadrën për t'u nisur së bashku drejt Turqisë.
DEKLARATAT - Shkurtimisht, Mustafov u shpreh se është i lumtur që u bashkua me Teutën. "Është krenari për mua të jem pjesë e Teutës. Kur
Burhan Mustafov më erdhi oferta nuk u mendova dy herë, shpresoj të jap më të mirën për këtë fanellë. E di që klubi ndodhet në një pozicion të vështirë, por besoj se me punë dhe impenjim maksimal nga të gjithë ne do të ngjitemi shpejt në klasifikim. Faza përgatitore në Turqi është shumë e rëndësishme, veçanërisht për ne lojtarët e rinj që nuk e njohim mirë grupin. Do të na shërbejë shumë", tha mesfushori 23-vjeçar që ka veshur edhe fanellën e kombëtares U-21 të Maqedonisë. Në listën e përpiluar nga stafi teknik për përgatitoren e janarit bie në sy
edhe emri i sulmuesit nga Mali, Cheick Tidiane Tambadou, i cili akoma nuk është bashkuar me grupin. Sipas drejtuesve të klubit, sulmuesi 19-vjeçar është nisur drejt Turqisë dhe sot pritet të bashkohet bashkë me pjesën tjetër të lojtarëve. Drilon Xhepollari