Berluskoni: Më dhemb stomaku kur shoh Milanin

"Jam milanist i thekur, por shpenzimet s'i përballoja dot"

Iftuar në një emision ra diofonik, Silvio Ber luskoni ka folur jo vetëm për politikë. Asnjëherë banal ish-presidenti, i cili me gjithë moshën 81-vjeçare vazhdon të bëhet protagonist sa herë flet. Në përfundim të intervistës së sipërpërmendur, politikani nuk i ka kursyer shigjetimet në drejtim të Milanit. Kavalieri vazhdon t'i mëshojë skemës kuqezi, e cila, sipas tij, është një ndër shkaktarët kryesorë të shumicës së problemeve që kuqezinjtë po hasin kohët e fundit. Ndër të tjera, Berluskoni tha: "Vazhdoj të jem tifoz i thekur kuqezi, megjithatë, teksa shoh Milanin të luajë kështu, me një skemë absolutisht të papërshtatshme dhe të gabuar, më kapin dhimbjen e stomakut".

Shifrat - Vetëm pak ditë më parë, 81-vjeçari deklaronte se vazhdon të mbetet ndër simpatizantët më të zjarrtë të ish-klubit të tij, por megjithatë nënvijëzoi se shitja e skuadrës së zemrës erdhi si pasojë e kostove të larta për mirëmbajtjen e saj. Ishpresidenti, mbi shitjen e "Djallit" për rreth 1 miliard euro, sqaroi se pavarësisht dashurisë dhe pasionit për ngjyrat kuqezi nuk e kishte më të mundur të përballonte shpenzimet e shumta që një klub elitar si Milani kërkonte. Duke dashur të argumentonte vendimin e tij, "Kavalieri" sqaroi: "Erdhi një moment që shpenzimet e Milanit u bënë të papërballueshme, sidomos në botën e futbollit gjithmonë e më shumë të nënshtruar ndaj dollarëve të naftëmbajtësve. Për një familje si e imja u bë e pamundur mbajtja e një skuadra të denjë për Olimpin e futbollit europian dhe botëror, ndaj u detyrova të marr një vendim tejet të vështirë si shitja e klubit, për të cilin u kujdesa për më shumë se tre dekada. Më duhet të pranoj se zgjedhja ime ishte e detyrueshme dhe e pashmangshme". Ndërkohë pasditen e djeshme Berluskoni ka uruar trajnerin me një telefonatë duke i premtuar një vizitë në "Milanello" në të ardhmen.