Kukësi, firmos “shkatërruesi” gjeorgjian

Kontratë deri më 2019-ën, firmos për 40 mijë euro

Kukësi po merr formë në çdo aspekt që prej ardhjes së trajnerit Peter Pakult, të cilit presidenti Gjici i siguroi se do i sjellë në ekip të paktën 3-4 lojtarë cilësorë. Përforcime që Kukësi të bëjë diferencën në kampionat në gjysmën e dytë të sezonit. Sinjali i parë i punës dhe filozofisë së trajnerit u pa që në ndeshjen e parë miqësore, atë ndaj Kaiserisporit ditën e martë, të cilët verilindorët e fituan me rezultatin 1-2, një ndeshje që ka lënë shumë të kënaqur të gjithë ambientin kuksian me në krye presidentin Gjici, i cili ka uruar trajnerin. Nuk vonoi dhe kreu i klubit dha urdhër që dhurata e dytë për Pakultin të prezantohej që ditën e djeshme në Antalia. Gazeta mëson se futbollisti do të firmosë me Kukësin për një vit e gjysmë, e paga e tij do të jetë rreth 40 mijë euro në sezon së bashku me bonuset.

MESFUSHORI - Bëhet fjalë për futbollistin e kombëtares së Gjeorgjisë, Irakli Dzaria. Futbollist që gazeta lajmëroi ekskluzivisht në numrin e ditës së hënë, por, dhe më pas, ku shprehej se Dzaria do ishte një lojtar i Kukësit. Bisedimet mes palëve ecën me ritme shumë të shpejta dhe marrëveshja u konkretizua dje me mbërritjen e mesfushorit 29- vjeçar në Antalia, ku iu bashkua ekipit. Drejtuesit i prenë biletën ditën e hënë, pasi ishin dakordësuar për detajet e kontratës. Pas kësaj, futbollisti nuk hezitoi të provojë aventurën e re me Kukësin.

PREZANTIMI - Mesfushori është pritur nga drejtori sportiv i Kukësit, Nderim Nexhipi, së bashku me shefin e klubit, Jonuz Hallaçin. Këta të fundit, me urdhrin e presidentit Gjici e kanë prezantuar menjëherë. Më pas, ai ka takuar trajnerin Pakult, me të cilin kanë zhvilluar një bisedë të detajuar për aspektin sportiv. Lojtari mësohet të jetë shprehur mjaft i kënaqur për mundësinë që të punojë me teknikun austriak dhe të

luajë me kampionët e Shqipërisë. Dihet që Dzaria erdhi te Kukësi pas OK- it të marrë nga tekniku. Më parë, trajneri kishte ndjekur disa ndeshje të tij. Gjithashtu, e kishte hasur dhe më parë futbollistin në fjalë, kur ky i fundit ka qenë pjesë e kombëtares

së Gjeorgjisë.

KARRIERA - Dzaria, së fundmi, luajti për ekipin e Dilas në Gjeorgji, e më parë ka qenë pjesë e Dinamo Tbilisit, ku ka fituar plot katër herë titullin kampion. 29vjeçari ka luajtur si titullar në çdo ekip që ka qenë pjesë.