Afrikanët, “bllokadë” Mugunës
“Nuk e japim ITC-në pa 40 mijë dollarë. Musa është lojtar i lirë, mund të shkojë ku të dojë”
Në Kenia nuk gje jnë rehat, ndaj hedhin sërish akuza kundër Tiranës. Në një kohë që te bardheblutë pretendojnë se i kanë të gjitha letrat në rregull për transferimin e Kenet Mugunës, Gor Mahia e "bllokon" mesfushorin. Ishekipi i Ze Marias dje ka lëshuar kërcënimin e radhës, ndërsa u bëjnë me dije kryeqytetasve se pa derdhur 40 mijë dollarë në llogarinë e klubit të tyre, marrëveshja zhbëhet. Ditë më parë, për gazetën "Panorama Sport", foli menaxheri i përgjithësim i kryeqytetasve, i cili qartësoi se paratë e kartonit do të jepeshin vetëm pasi të vinte ITC- ja (leja a kalimit). Por për t'iu kundërpërgjigjur Hektor Çomos mendon Robert Ngala, zv. sekretari i Gor Mahias. "Pretendimet e Çomos janë të pabaza. Cili rregull parashikon se tarifa e transferimit duhet të paguhet pas lirimit të ITC- së? Tarifa duhet të paguhet fillimisht
dhe vetëm më pas jepet konfirmimi. Ky është ligji. Ne patëm një marrëveshje me Tiranën që ata të paguajnë një shumë prej 40000 $ për transferimin e lojtarit. Por ne ende nuk e kemi marrë shumën. Në kësi kushtesh, Muguna është
akoma lojtari ynë sepse ai ka një kontratë 2- vjeçare që e mban të lidhur me klubin. Pretendimet e Tiranës se marrëveshja është e mbyllur nuk janë të vërteta. Ky është qëndrimi i Gor Mahias", tha sektari i përgjithshëm i kenianëve. Edhe pse
mesfushori mund t'i bashkohet Tiranës në Antalia, duket se afrikanët nuk kanë në plan që të lënë të lirë pa marrë fillimisht paratë.
MUHAMED - Krejt ndryshe paraqitet situata për Musa Muhamedin. Ky i fundit, duke qenë se i skadon
kontrata, është i lirë që të zgjedhë ekipin që do. Një gjë të tillë e thekson edhe vetë Ngala, i cili thekson se: "Ne nuk kemi asnjë problem me lëvizjen e Musës te Tirana. Ai ishte lojtar i lirë tashmë, ndaj nuk kemi më se çfarë të bëjmë. Ai mund
të luajë për ta". Qendërmbrojtësi, me pak fjalë, nuk ka pengesa që të vihet nën urdhrat e Ze Marias, ndaj mendohet që ai të jetë në Antalia, derisa në datë 15 parakontrata e firmosur në fund të dhjetorit hyn zyrtarisht në fuqi.