Zguro akuzon: Luftëtari më ka 8 milionë lekë borxh
"U tall me djersën time, kam dhënë shpirtin në fushë"
Vangjel Zguro ka kr ijuar polemika të mëdha gjatë ditës së djeshme me një status të publikuar në "Facebook", ku pretendon se klubi gjirokastrit i ka një borxh prej 8 milionë lekësh të vjetër. Në postimin e bërë nga Zguro lexohet: "Të nderuar qytetarë gjirokastritë. Unë e di mirë se sa shumë më keni dashur, por dua t'u sqaroj diçka, thjesht të jem dhe korrekt dhe ju ta dini të vërtetën. Presidenti i Luftëtarit Gole Tavo mua Vangjel Zguros, momentalisht i ka 8 milionë lekë të vjetër dhe ju e dini shumë mirë si kam luajtur unë çdo ndeshje për Luftëtarin. N.q.s do ishin gjithë çunat pa i marrë lekët dhe unë do isha dakord, por jo unë të jem i vetmi që të kem 8 milionë lekë për të marrë dhe të gjithë kanë vetëm 1 muaj, dhjetorin. Unë nuk e hedh poshtë aty ku ha, aman jo të më hedhë mua poshtë djersën presidenti dhe nuk më kthen asnjë përgjigje për lekët e mia, pasi rrija 8 orë larg familjes për ato lekë. Është sakrifica ime dhe mundi im. E shkrova gjithë këtë, sepse dhe tifozët po më shkruajnë pse e lashë Luftëtarin në këtë mënyrë, pse u largova, ja sepse... Sepse presidenti i Luftëtarit u tall me djersën time, ndërkohë që unë për çdo ndeshje të Luftëtarit kam dhënë maksimumin tim dhe ju keni qenë dëshmitarë të çdo ndeshjeje.
N.q.s unë jam njeriu i keq se po e shkruaj këtë tani, një të vërtetë se në Shqipëri kështu thonë. Ju e dini shumë mirë kush është Vangjo Zguro brenda fushe dhe jashtë fushe, sepse luajta 1 vit aty dhe më njihni. Megjithatë, respekt pa fund tifozëve të Luftëtarit nga Vangjo Zguro!".