Strakosha magjik, tani e pëlqen Liverpuli
“Bardhekaltrit superojnë Milanin prej shqiptarit, super lider”
Thomas Strakosha ësh të një nga surprizat më të bukura të sektorit të të rinjve të Lacios. Në pak kohë ka arritur të bëjë të tijin portën e bardhekaltërve, besimin e shokëve të skuadrës, si dhe të të gjithë shoqërisë. Në një shkrim të "Il Messaggero" raportohet edhe ndikimi i drejtpërdrejtë që ka pasur shqiptari për një sërë pikësh që Lacio ka aktualisht në klasifikim. Jo vetëm kaq, por në bazë të të dhënave speciale që ka treguar Strakosha në kuadrat, duket se garanton kuadratin e bardhekaltërve për të paktën 10 vitet e ardhshme.
PIKËT - Me një sërë ndërhyrjesh vendimtare, shqiptari ka siguruar 12 pikë për ekipin duke bërë që Lacio të jetë në vendin e katërt. Me një vështrim në tabelën e Serisë A, Lacio ka 12 pikë më shumë sesa edhe Milani që renditet në të 11-in vend. Mirëpo, shqiptari nuk ka bërë vetëm këtë shërbim të rëndësishëm për skuadrën e Lacios. Portieri kuqezi ka qenë vendimtar për të bindur mbrojtësin De Vraj për të rinovuar. Nga mundësia për të ikur me parametra zero, mbrojtësi pritet të rinovojë dhe të ketë një klauzolë largimi prej të paktën 25 milionë eurosh. Ndërhyrjet e tij heroike në ndeshjet kundër Sasuolos, Juventusit, dy skuadrave të Xhenovas, kundër Atalantas dhe kundër Interit, vlejnë të paktën 12 pikë.
STATISTIKAT - Duhet shtuar se në 20 ndeshje ka bërë 39 pritje nga goditjet jashtë zone dhe 32 nga ato brenda zonës. Më tej, mirëpret edhe miqtë e rinj si të ishte lideri i skuadrës: Është vetëm 22 vjeç. Tashmë nuk është më vetëm
djali i Fotaqit, por më së shumti një zbulim i jashtëzakonshëm i Tares dhe Inzagit.
LIVERPUL - Në Angli, emri i shqiptarit është përmendur si sugjerim për Liverpulin. Portali "Liverpool Echo" ka bërë një renditje të një sërë portierësh që janë të aftë për të qenë në të ardhmen si mbrojtës të kuadratit të "të kuqve". Pjesë të listës, përveç Strakoshës, janë edhe emra si Oblak i Atletiko Madrid, Alison, Koen Kastils, Nik Pope, Kepa, Peter Gulashi dhe Alban Lafont.