Hënes del hapur: Gorecka, shumë pranë Bajernit
"Hazard i pakënaqur? S'më intereson, është i lumtur apo jo"
Antonio Konte thotë se nuk ka informa cion nëse Çelsi do të tentojë të transferojë Aleksis Sançezin në "Stamford Bridge" këtë muaj. Kampionët kanë tentuar që të hyjnë në garën me Junajtid për të siguruar shërbimet e kilianit të Arsenalit, ndërsa Siti u tërhoq përfundimisht pas ofertës së çmendur të rivalëve. Por tekniku italian deklaroi në konferencën për shtyp, përpara riluajtjes së ndeshjes me Noruiçin në Kupën FA, se ai nuk mendon se klubi ka kontaktuar me "topçinjtë. "Nuk e di. Nuk mendoj. Nuk e di, por nuk mendoj se e kanë bërë", tha trajneri duke shtuar se nuk e thotë ai fjalën e fundit për transferimet në klub dhe se nuk preferonte që të fliste më rreth kësaj teme. "Për merkaton unë i referohem klubit sepse nuk dua të jap opinionin tim". Në lidhje me ndeshjen e sotme ndaj skuadrës së Championship-it, e cila luan biletën në 1/16-at pas barazimit 0-0 me "kanarinat" në takimin e parë, Konte premtoi se do të bëjë rrotacion: "Të mërkurën na pret një tjetër ndeshje në një kalendar të ngje- shur. Unë duhet të bëj ndryshime sepse pas dy ditëve do të luajmë kundër Brajtonit". Çelsi ka regjistruar 3 barazime radhazi 0-0 në javët e fundit duke dështuar të shënojë ndaj Nouriçit, Arsenalit dhe Leiçesterit me 10 veta. Por ish-tekniku i Italisë refuzon që të fajësojë për rënien e formës një lojtar të vetëm: "Ne nuk po pësojmë gol dhe ky është një lajm i mirë. Por as nuk po shënojmë, që është një lajm i keq. Sigurisht që duhet të përmirësohemi në këtë aspekt. Lojtarët e mi e dinë shumë mirë që duhet ta bëjnë sepse në krahasim me të shkuarën çdo futbollist i vetëm ka shënuar më pak se sezonin që lamë pas". Nuk mungon as një shigjetë për Hazardin. Ylli belg, i cili flirton me Realin, ka përfunduar vetëm një ndeshje të plotë në 8 prezencat e fundit, por menaxheri tha se detyra e tij te Çelsi nuk është të bëjë të lumtur një lojtar: "Po flasim për një lojtar, i cili kohët e fundit ka pësuar një dëmtim të rëndë në kavilje dhe është operuar. Me të tilla situata, ti duhet të tregohesh i kujdesshëm. Gjatë një sezoni mund të kesh ulje-ngritje. Ai mungoi në fazën tonë përgatitore. Është normale që një lojtar të mos jetë gjithnjë në formë maksimale. Detyra ime është ta përmirësoj dhe ta sjell në kushtet më optimale fizike. Unë jam trajneri, unë vendos. Nuk ka rëndësi nëse një lojtar është i lumtur apo jo".