VAR-i po përmirëson Serinë A, por do ndryshohet te prekja me dorë
VAR-i po gëzon "shëndet të plotë": rritet dhe ka marzhe përmirësimi. E konfirmojnë dizajnuesi Nikola Ricoli, përgjegjësi Roberto Rozeti dhe presidenti i Shoqatës Ndërkombëtare të Arbitrave, Marçelo Niki. Por, mbi të gjitha, shifrat: në 210 ndeshje mes Serisë A dhe Kupës së Italisë kanë qenë 1.078 episodet e kaluar nën kontrollin e teknologjisë dhe 60 janë korrigjuar. Janë evituar 49 gabime, ndërsa 11 kanë qenë gabimet e kryera (7 prej të cilave kanë influencuar rezultatin). Pra, eksperimentimi italian është shfaqur në fushë më e besueshmja, aq sa FIFA ka vendosur të marrë në "Rusi 2018" 4 arbitra nga Seria A nëse 2 marsin e ardhshëm do jepet (siç duket) miratimin në Botëror të teknologjisë: përveç Rokit, "drita jeshile" do t'i jepet Orsatos, Irratit dhe Valerit. Pra, në sintezë, "ajka" e gjyqtarëve italianë, të cilët në mbledhjen e dy ditëve më parë u kanë shpjeguar trajnerëve të kategorisë superiore italiane VAR-in minutë pas minute. Leksion i mbajtur pas polemikave të fundit për prekjet me dorë të dyshimta që nuk janë riparë në monitor. Trajnerët, ndërkaq, kanë kërkuar ndryshime mbi pozicionin jashtë loje, e pranuar pa fjalë nga drejtuesit arbitrarë. "OFFSIDE" - Çështja ishte e lidhur me sinjalizimet e vonuara nga asistentët në prani të pozicioneve të dukshme jashtë loje, një mënyrë veprimi e nisur pas gabimit në Bolonja-Torino (lojë e ndalur për një "offside" fals përpara golit të miqve dhe VAR-i nuk pati mundësi të ndërhynte). Dy kanë qenë direktivat e Ricolit: gjyqtarët do t'i rikthehen ngritjes së flamurit në rast pozicioni jashtë loje neto edhe në rast të pastër për gol në mënyrë që të evitohen dëmtime të panevojshme, apo përplasje loje: do mbetet vlerësimi i fushës vetëm kur bëhet fjalë për centimetra dhe VAR-i nuk ka imazhe të qarta (gabim, pranoi dizajnuesi, të ndryshohen vendimet e marra në golin e dhënë Insinjes në Napoli-Milan dhe atë që iu hoq Kaçiatores në Kievo-Udineze).
RASTET E TJERA - Në radhë të ngatërruar janë shfaqur më pas disa video me audiot relative mes arbitrit dhe asistentëve VAR. Është shpjeguar sesi kontakti mes Shkrinjarit e Perrotit duhet të pasohej me një kontroll të imazheve, por komunikimi jo perfekt (ishte java e dytë) e ka mohuar. Përsëritja e parë me vonesë për një gabim teknik në kabinë, ndërkaq, në bazë të penalltisë së dukshme të palejuar në favor të Sasuolos për pritjen (me dorë) të Torreiras. Ricoli ka vënë gjithashtu në dukje edhe uljen e kohëve për të arritur te konfirmimi (mesatarisht 1 minutë e 15 sekonda), ndërsa ndeshjet po zgjaten krahasuar me dy kampionatet e fundit. E sërish, efekti i VAR-it është i qartë te faullet (-8%), te kartonët e verdhë (-18,8%), kartonët e kuq (-9) dhe simulimeve (-23%). - 1.078 verifikime në 210 ndeshje
- 60 korrigjime (11 gabime: 7 kanë influencuar në rezultat) - Marzhi i gabimit i reduktuar nga 5,6% në 1%
- 5,1 verifikime për ndeshje - Kohët e vendimit janë reduktuar nga 1'22" në 29" dhe modifikimet zgjasin 1'15"
- Rritje i penalltive të akorduara me 5,5%
- Ulje e faulleve me 8%, kartonëve të verdhë me 18,8%, e simulimeve me 23% dhe e kartonëve të kuq (-9)
- Nga 40 përjashtime të kuq, 0 janë për protesta (kundrejt 5 nga 51 të vitit të kaluar)