Hënes: Jemi shumë pranë Goreckës
"S'kemi irmosur ende, yrtari imi do të ndodhë kur doktori të thotë në und 'po'"
Shalke premton se do të luftojë për ta mbaj tur Leon Goreckën deri në fund të sezonit, por mesfushori 22-vjeçar sa vjen dhe afrohet me Bajernin e Mynihut. Ai ka pasur edhe një takim me bosin e klubit, Klemens Tënis gjatë javës, ku i ka shprehur vullnetin e tij për të mos qëndruar deri në fund të kontratës së tij në Gelzenkirshen. Blutë mbretërorë janë të vendosur për të mos e lëshuar talentin që këtë muaj dhe thanë përmes drejtorit sportiv Kristian Haidel: "Nuk ka asgjë të re. I gjithë klubi, përfshirë edhe Tënis po lufton për ta mbajtur këtu". Megjithatë, akordin me rekordmenët gjermanë gati e konfirmon edhe vetë presidenti i Bajernit, Uli Hënes, i cili megjithatë, tregohet i kujdesshëm për sa kohë mungon zyrtarizimi. Gjatë një prononcimi për "Funke Mediengruppe", Hënes tha të martën: "Ende asgjë nuk ka përfunduar. Nuk kemi firmosur akoma. Shanset janë të mira. Nëse Leon do të vijë te ne, do të jetë shumë mirë edhe për të. Por siç e thashë, nuk ka përfunduar. Transferimi zyrtar do të ndodhë kur doktori të thotë në fund 'po'". Hënes dhe Tënis janë dy shokë shumë të mirë (të dy merren me biznesin e prodhimit të sallamerisë) dhe marrëdhënia e tyre pritet që t'i përshpejtojë bisedimet. Kur Hënesin e pyetën nëse Bajerni rrezikon të dështojë me Goreckën ashtu si me Tobias Raun në 2003, i cili erdhi nga Volfsburgu, por në dy vite regjistroi vetëm 13 ndeshje në Bundesligë, presidenti dha këtë përgjigje: "Gorecka është një lojtar i kombëtares. Është krejtësisht një tjetër histori". Dhe, në fakt, ka të drejtë: Leon është vetëm 22 vjeç dhe numëron 101 ndeshje në Bundesligë ( 14 gola) dhe 5 ndeshje në Champions. Pas 12 ndeshjeve me kombëtaren dhe 6 golave, ai shpreson që Lëv ta marrë më vete në Botërorin e Rusisë.
RUMENIGE - Krahu i djathtë i Hënesit, Karl-Hainc Rumenige, konfirmoi se bavarezët
janë të interesuar për ta transferuar futbollistin në "Allianz Arena". Por Kalle i përgënjeshtroi lajmet se Gorecka ka arritur një akord për t'u transferuar në klub me parametra zero. "Ti ke një marrëveshje, vetëm kur kontrata është firmosur dhe lojtari ka kaluar vizitat
mjekësore. Nuk kemi shkuar ende aq larg. Tani futbollisti duhet të vendosë. Kam dëgjuar që vendimi do të merret në ditët e ardhshme, pra përpara fundit të janarit. Dhe sigurisht që do të ishte diçka e bukur nëse ai do të vendoste që të zgjidhte Bajernin e Mynihut".