Kukësi s'ndalet, akord me një mesfushor kroat
eri të premten lojtari mbërrin në Tiranë, ka qenë shok ekipi me mbrojtësin deri
Kukësi bën gati goditjen e radhës në merkaton e janarit. "Panorama Sport" zbuloi dje se mesfushori kroat, Dejan Glavica, pritet të jetë firma e radhës pas emrave si Donjet Shkodra, Maldin }meraj, Irakli Dzaria, Filip Zderiç dhe Nikolas Le Dilon. Mesfushori që luan në të dyja krahët ka mbyllur pjesën e parë të sezonit te NK Varazhdin, që militon në Ligën e Dytë kroate. 26-vjeçari shikohet si një opsion i mirë për mesfushën dhe për më tepër është një kërkesë e vetë trajnerit austriak të Kukësit, Peter Pakult. Gazeta mëson se palët kanë biseduar, madje duke arritur marrëveshjen në parim dhe vetëm detajet mungojnë për të zyrtarizuar mesfushorin e Varazhdinit, që dikur ka mbajtur emrin Varteks. Mesfushori dallohet për shpejtësinë që ka, por edhe grintën në fushë, karakteristika që Pakult i vlerëson te lojtari. Glavica ka luajtur që në moshën 18-vjeçare si titullar me Varazhdinin në elitën e futbollit kroat. Në atë kohë ai konsiderohej si një prej talenteve më premtues dhe jo më kot ka qenë pjesë e të gjitha Kombëtareve të moshave. Me Kroacinë U-21 Glavica luajti gjashtë ndeshje dhe shënoi një gol. Karriera e tij vijoji për tre sezone radhazi te Sllaven Belupo, ku sot luan ish-sulmuesi i Kukësit, Pero Pejiç. Më pas Glavica është aktivizuar me Horn në Austri, Zavrc në Sloveni, Cibalia në Kroaci e së fundmi në shtëpinë e tij me Varazhdin. GJEDHJE E PAKULT Ashtu si mbrojtësin e djathtë, Filip Zderiç, trajneri austriak e njeh mirë edhe lojtarin tjetër kroat, Glavica. Pakult e ka stërvitur këtë të fundit Cibalia gjatë vitit të kaluar. Mësohet se ka qenë vetë trajneri që ka sinjalizuar lojtarin dhe i ka shprehur dëshirën për ta marrë te Kukësi. Më pas Pakult ka folur me drejtorin Nderim Nexhipi për të negociuar për aspektin financiar me Glavicën. Për kohëzgjatjen e kontratës palët kanë rënë dakord dhe pritet që futbollisti të firmosë për dy vite, ndërsa për rrogën po mbyllen detaje të vogla. Brenda së premtes, 26vjeçari do të mbërrijë në Shqipëri për të zyrtarizuar kontratën, teksa nuk pritet të ketë ndonjë surprizë të pakëndshme. Ndërkohë, një arsye tjetër përveç ndikimit të Pakult se pse kroati pritet të firmosë për Kukësin, është edhe Zderiç. Të dy lojtarët kanë njohje dhe janë miq me njëritjetrin, pasi kanë luajtur në
sezonin 2016- 2017 me Cibalian në Superligën kroate. Tashmë të dy pritet të rinisin një aventurë tjetër së bashku, këtë herë te Kukësi. Me afrimin e mesfushorit, sipas të gjitha gjasave, mbyllet edhe merkatoja e kampionëve në fuqi. Pakult sheh një ekip
të kompletuar, që ka bindur gjatë fazës përgatitore në miqësoret me skuadrat e Superligës turke. Veçanërisht në ndeshjen e fundit ndaj Fenerbahçes, Kukësi tregoi vlera, duke u përballur denjësisht kundër një klubi të madh turk.