Bajerni merr Goreckën, synon edhe Emre Xhan
Nën hetim 79 milionë eurot e marrëveshjes
Edhe blerja e Interit nga biznesmeni indonezian Erik Tohir ka përfunduar në shënjestrën e "Guardia di Finanza" për parregullsitë në formimin e kapitalit, falë të cilit Tohir ka blerë klubin zikaltër. Sektori sportiv i Forcave Policore Italiane po kryen gjatë këtyre ditëve një sërë verifikimesh lidhur me 79 milionë eurot që, duke nisur nga viti 2013 deri në vitin 2015, i lejuan "manjatit" të Xhakartës blerjen e Interit nga familja Morati. Një hetim për të qartësuar nëse është shkelur ligji 231: do të verifikohet origjina legjitime e parave të përdorura nga Tohir. Dyshimi është që dokumentet, që kanë justifikuar rritjen e kapitalit, kanë ndjekur një rrugë që, për momentin, hetuesve nuk u është shfaqur tërësisht e qartë. Po kontrollohen dokumentet dhe po dëgjohen persona që kanë pasur një rol të drejtpërdrejtë në operacion.
NËN LENTEN ZMADHUESE - Arsyeja e nisjes së hetimit? Identike me atë që, 5 dhjetorin e kaluar, nxiti Financën që të dorëzonte në prokurë një informativë mbi shitjen e Milanit te biznesmeni kinez, Jonghong Li. Por nga verifikimet, në punë e sipër, mbi Interin, kalimi që ka rezultuar është një tjetër. Në shënjestër, në fakt, janë flukset financiare të kaluara nga "International sports capital", që të drejton pikërisht te Tohir. Duke parë shifrën e investuar nga indoneziani (një e dhjeta krahasuar me atë të shpenzuar për Milanin nga Li), paçka gjithçkaje operacioni ka kaluar më qetë. Qershorin e 2016-ës, tre vite pas investimit për president, Tohir i shiti maxhorancën e klubit grupit kinez "Suning", duke mbajtur fillimisht një kuotë 30%, nga e cila do të heqë dorë në harkun e muajve të ardhshëm. Pronësia, brenda tri viteve, i ka garantuar megjithatë Tohirit, sipas analistëve, një plusvalencë konsistente.