Montolivo rrëfehet: Herët e para që nuk i harroj kurrë
Me rastin e përvjetorit të tij të 33-të, Rikardo Montolivo ka dhënë një intervistë ekskluzive për ndjekësit e tij në rrjetin e ri social të futbollistëve "Dugout". Mesfushori kuqezi ka folur për të gjitha herët e para të karrierës së tij.
Cila ka qenë skuadra juaj e parë?
Karavaxhio ishte ekipi i fshatit ku unë kam lindur.
Lëvizja e parë prej futbollisti?
Tani nuk mund ta them me siguri, pasi shkelmat e parë një topi ia kam dhënë shumë i vogël, por besoj goditja. Me sa mbaj mend, mund të them që më pëlqente të shënjestroja objekte dhe t'i godisja.
Po numri i parë që keni mbajtur në fanellë?
Ka qenë gjashta, pasi hapat e para të karrierës sime, nëse mund ta quaj kështu, kanë qenë në rolin e mbrojtësit të lirë.
Të kalojmë te disa pyetje më të vështira: Si quhej shoku i parë i dhomës? Karmine Gautieri, ishte më i madh se unë dhe rregulli ishte që lojtarët "e vjetër" të ndanin dhomat me të rinjtë, për të përmirësuar integrimin dhe marrëdhënien mes shokëve të ekipit.
Kur e keni ngritur trofeun tuaj të parë?
Kupën e parë e kam fituar me U-12 e Atalantës dhe trajner kishim Alesio Palën. Qenkeni shumë i përgatitur! Po idhulli i parë cili ka qenë?
Nuk luante në rolin tim, por e adhuroja. Marko Van Basten ka qenë idhulli i fëmijërisë sime.
Meqë admironit Van Bastenin, keni qenë që i vogël tifoz milanist?
Përveç kësaj, im atë është i çmendur pas Milanit, ndaj skuadra e parë që kam mbështetur kanë qenë pikërisht kuqezinjtë.
Keni shkuar ndonjëherë në "San Siro" për të parë Milanin kur keni qenë i vogël?
Po, dhe e mbaj mend mirë. Ka qenë Milan-Sampdoria dhe përfundonte 3-2 me një gol në sekondat e fundit të Mauricio Ganz. Më duket se ka qenë sezoni 1998-'99, ai i titullit të 16-të.
Kur jeni zhgënjyer për herë të parë në futboll? Hera e parë ka ndodhur kur ramë nga kategoria në kohën që luaja tek Atalanta, ndërsa zhgënjimi më i madh më ka ndodhur në Europianin e 2012- ës, kur në finale na mundi Spanja 4-0.
Për ta mbyllur, a ju kujtohet këshilla e parë? Sigurisht, madje sa herë mundem ua jap edhe të rinjve me të cilët stërvitem. U them që të dëgjojnë lojtarët që kanë më shumë përvojë dhe gjithashtu trajnerin, pasi janë këto dy gjërat thelbësorr nëse dëshiron të arrish nivelet e larta si futbollist.