$one% Lushnja, e dënuar !ër #itore nëse do të sh!ëtojë
6erdhejeshilët, të bindur për rezultat pozitiv me 5eutën
Futbollisti i linjës së majtë të Lushnjës, Arbër Mone, flet në prag të ndeshjes me Teutën. Verdhejeshilët synojnë të marrin një pikë në "Niko Dovana" si e vetmja mundësi për të mbajtur të gjalla shpresat për mbijetesë. Ekipi është përgatitur mirë. Jemi të qetë para kësaj ndeshjeje. Kemi edhe pak ditë përpara për t'u stërvitur mirë duke synuar rezultatin pozitiv", është shprehur Mone. Lushnjarët njohin dy rezultate të rëndësishme në transfertat e këtij sezoni. Barazimin pa gola ndaj Partizanit dhe fitoren historike në Kukës. "Në futboll çdo gjë mund të ndodhë dhe ekipi është me besim dhe me shpresë për të marrë rezultatin. E kemi mundur kundërshtarin në fushën tonë dhe kjo tregon se mund të marrim një rezultat pozitiv edhe në Durrës. Mendoj që Lushnja është një ekip që luan mirë jashtë fushës dhe kemi merituar më shumë, sidomos në Kamzë. Ne jemi një skuadër që kemi shumë nevojë për pikë dhe nisja me këmbën e mbarë do t'i bënte shumë mirë skuadrës", deklaroi Mone. 1323 minuta ka luajtur Arbër Mone me verdhejeshilët në këtë sezon të Superiores. Pas kapitenit Sefa, fieraku Mone është futbollisti më i aktivizuar te Lushnja. Futbollisti i linjës së majtë ka luajtur në të gjithë ndeshjet e fazës së parë, ndërsa në fazën e dytë ka munguar në ndeshjen e parë ndaj Vllaznisë për arsye skualifikimi. Ka luajtur pesë ndeshje të plota dhe 63 minuta në ndeshjen me Partizanin, pasi është zëvendësuar nga trajneri Dedja. SITUATA- Lushnjarët nisin sot përgatitjet në kuadrin e ndeshjes me Teutën, që do ta luajnë ditën e premte në "Niko Dovana". Pas dy ditëve pushim, skuadra e drejtuar nga Hysen Dedja do të zbresë në fushë. Kjo javë e shkurtër përgatitjesh pritet të nisë në kushte jonormale. Moti me lagështirë i bën edhe më të vështirë kushtet për stërvitje të lushnjarëve, që e kanë kategorikisht të ndaluar të stërviten në fushën e stadiumit. Ekipit verdhejeshil pritet t'i bashkohet edhe mesfushori Gava pas dëmtimit që pësoi në miqësoren me Besën. Ndërkaq, katër ditë para rifillimit të kampionatit, lushnjarët nuk kanë bërë asnjë ndryshim në 2Cshen zyrtare. Alban Alushi