Dorëzohet Humels: Bajern, nuk jemi për Champions!

" ë Bundesligë nuk kemi një rivale të na konkurrojë, kjo s na bën aspak mirë"

Ajanë bavarezët gati si në vitin 2013 për të fituar Champions-in? Sipas Mats Humelsit, jo. "Duhet të provojmë që të përmirësohemi në mënyrë që të arrijmë diçka në Europë, sepse nuk jemi ende atje ku do të donim të ishim", thotë qendërmbrojtësi i Bajernit për "100< Bundesliga - football at Nitro". "Sigurisht që duhet të jesh me fat, por mendoj se duhet të përmirësojmë diçka në disa fusha, për të qenë në gjendje që të konkurrojmë me gjigantët e tjerë të Europës, mes të cilëve ne synojmë të jemi apo t'i kalojmë". Rivali i ardhshëm i kampionëve të Gjermanisë në 1/8-at e Ligës së Kampioneve është Beshiktashi (20 dhe 14 mars). Për të qenë gati për sukses në Europë, 29-vjeçari mendon se do shërbente edhe një Bundesligë më e fortë. Ai mendon se kampionati gjerman çalon në drejtimin e konkurrencës. Pas javës së 19-të, avantazhi i Bajernit me vendin e dytë është 16 pikë dhe titulli i gjashtë radhazi kampion duket i hipotekuar. "Mendoj se Bundesligës i mungon një skuadër e dytë apo e tretë që të fitojë në mënyrë konstante. Sigurisht që ne duam të fitojmë, por nga pikëpamja e konkurrencës duhet të jetë një garë më e larmishme. I shoh kampionatet e tjera dukshëm më përpara. Kampionati spanjoll dhe ai anglez janë dy më të fortët. Ne duhet të tregohemi të kujdesshëm që të mos rrëshqasim poshtë kampionateve të tjera". Megjithatë, stoperi i kombëtares gjermane është optimist për të ardhmen: "Kam ndjesinë se do të bëhet më i fortë. Kemi më shumë trajnerë në kampionat që u pëlqen të luajnë futboll". Humels ka munguar në dy ndeshjet e para të fazës së dytë këtë vit, kundër Leverkusenit dhe Verder Bremenit për shkak të një problemi muskulor dhe gjendjeje gripale. Megjithatë, ai do të rikthehet në dispozicion të Hejnkesit në ndeshjen e kësaj fundjave kundër Hofenhaimit.