Sprint final për Memushajn e Kaçen
Situatë e paqartë për mesfushorin e PAOK-ut, disa interesime, por insiston Panathinaikos
Në Itali dhe Greqi, dy nga mesfush orët e Kombëtares po presin që të sistemohen përfundimisht për pjesën e mbetur të sezonit. Ledian Memushaj dhe Ergys Kaçe kanë qenë prej javësh pjesë e diskutimeve mediatike për tratativa të ndryshme mes klubeve, për të ndryshuar destinacion, por duket se në javën e fundit të transferimeve të dimrit gjithçka do të marrë fund.
ITALI
Mediat italiane kanë bërë me dije se së fundmi skuadra e Empolit, në të cilin aktivizohet Frederik Veseli, ka shprehur interes për shërbimet e mesfushorit vlonjat. Mirëpo, Ledian Memushaj është thuajse një futbollist i Barit, për të cilin mediat përtej Adriatikut bëjnë me dije se skuadra e Migjen Bashës është e gatshme të paguajë shifrën prej 500 mijë eurosh për kartonin e mesfushorit të Kombëtares. Disa ditë më parë u raportua se agjenti i futbollistit dhe drejtuesit e Barit kanë gjetur akord mes tyre, pasi më parë ishin bindur drejtuesit e Beneventos për ta lënë të lirë shqiptarin. Në Itali e konsiderojnë thuajse lëvizje të kryer, teksa mbetet vetëm firma në kontratat respektive për të finalizuar bashkimin e Ledian Memushajt me shqiptarin tjetër Basha në Serinë B italiane.
GREQI
E njëjta situatë përsëritet në çdo dritare merkatoje për Ergys Kaçen. Edhe kur në adresë të tij ka një interesim dhe insistim të një skuadre si Panathinaikos, drejtuesit e PAOK-ut kanë nxjerrë gjithmonë pretekste për moslargimin
e shqiptarit. Duke mos pasur asnjë shans për të luajtur me PAOK- un, meqenëse është jashtë planeve të trajnerit, shqiptari pritet që të transferohet te Panathinaikos, i cili po insiston në një raund të dytë bisedimesh me agjentin e futbollistit
dhe drejtuesit e ekipit aktual të mesfushorit kuqezi. Brenda kësaj jave pritet që menaxheri i futbollistit të qartësojë situatën e Kaçes për oferta të ndryshme që ka në adresë të mesfushorit për t'i hapur përfundimisht udhë transferimit te Panathinaikos.