Hejnkes: Kam problemin e luksit, jemi superekip
“Ekipi i Nagelsmanit i rrezikshëm, por ne jemi të përgatitur”
‘‘ Kam problemin e luksit. Nuk është e lehtë t'u thuash lojtarëve titullarë se nuk do të luajnë këtë ndeshje. Por kjo është detyra ime. Unë nuk e kam problem këtë pjesë. Kemi një skuadër të klasit të lartë, dhe skuadra duhet t'i kuptojë këto vendime. Të gjithë do të luajnë nga një herë dhe secili duhet ta pranojë këtë". Kështu e komenton konkurrencën brenda skuadrës Jup Hejnkes në konferencën për shtyp në vigjilje të ndeshjes me Hofenhaimin. 72vjeçari, i cili përballë do të ketë trajnerin më të ri të Bundesligës, Julian Nagelsman, një nga emrat e përfolur për ta zëvendësuar atë në stolin e Bajernit, vlerëson kolegun e tij, ndërkohë që komenton edhe spekulimet e të ardhmes së Vidalit pas transferimit të Goreckës.
E ARDHMJA E VIDALIT - "Ai ka një kontratë deri në vitin 2019 dhe për momentin luan në një nivel shumë të lartë. Mund të vihet re klasi dhe përvoja e jashtëzakonshme ndërkombëtare. Ndonjëherë duhet t'i kujtosh se po luan futboll serioz. Unë e konsideroj një lojtar të shkëlqyer. Lojtari duhet të vendosë nëse do të vazhdojë të
qëndrojë këtu ose klubi".
HOFENHAIMI - "Është një skuadër me koncept dhe plan të mirë loje. Çdo lojtar e di se çfarë duhet dhe s'duhet të bëjë. Jemi përgatitur mirë. E kam analizuar kundërshtarin dhe do të veprojmë sipas rrethanave".
NAGELSMAN - "Kur Julian e ka marrë skuadrën, ajo ishte në vend të 17-të, 7 pikë pas zonës së shpëtimit. Si një trajner i ri, ai i ka dhënë skuadrës një tjetër fytyrë. Duhet ta them se tifozët i pret një ndeshje shumë emocionuese. E shoh pozitiv faktin që ai ka qenë më
parë zv/trajner dhe ia ka mësuar gjërat me themeli. Sot gjërat ndodhin shumë më shpejt. Kur unë mora Gladbahun në moshën 34-vjeçare përfunduam të gjashtët apo të shtatët dhe në finalen e Kupës UEFA".
FORMACIONI - E zëvendësova Havi Martinezin
për shkak të një problemi gastrointestinal. Është stërvitur vetëm pjesërisht dhe nuk e kam grumbulluar. Humels ka gjithashtu nevojë edhe për një javë stërvitje".
DOMINIM I BAJERNIT - "Ka të bëjë edhe me problemet e mëdha të Dortmundit. Ndërsa Lajpcigu duhet të fitojë përvojën e të luajturit në Champions.
Ne kemi ende shumë elementë për të përmirësuar. Përpara porte, duhet të parashikojmë diçka më mirë topin".
TRIOJA E ISH- ëve -" Nuk do të ndikohem nga fakti që Zyle, Rudi apo Vagner kanë qenë pjesë e Hofenhaimit. Kam një plan për kë dua të bëj rrotacion. Por kjo nuk varet nga kundërshtari".