Mesi harron Nejmarin: Më të fortë pa të
Leo Mesi shigjeton Nejmarin dhe thotë se Barcelona është më e fortë pa Nejmarin dhe largimi i brazilianit ka forcuar më shumë ekipin në aspektin mbrojtës. Argjentinasi ka zgjedhur Mançester Sitin dhe PSG-në si ekipin më të fortë të momentit në Ligën e Kampionëve.
Nejmar- "Largimi i Nejmarit vendosi një ndryshim në mënyrën tonë të të luajturit. Sigurisht që humbëm potencial në aspektin sulmues, por na ndihmoi shumë në aspektin mbrojtës. Tani jemi më të fortë në mesfushë, kemi më shumë ekuilibër dhe kjo na bën më të fortë në mbrojtje".
Reali- "Situata që po kalojnë është e përkohshme. Nuk është hera e parë që kemi parë një situatë të tillë në një skuadër futbolli, por në fund do të rikthehen të luftojnë për gjithçka". Ronaldo- "Nuk kam asnjë raport me të. Ne takohemi thjesht në mbrëmjet "gala" ku shpërndahen çmimet. Vetëm atëherë flasim. Është marrëdhënie korrekte, por jetët tona bashkohen shumë pak". Champions- "Rivali më i fortë është Mançester Siti. Është ekipi më i fortë i momentit. E njëjta gjë vlen edhe për PSGnë. Por, për momentin është shumë herët. Unë nuk e për- jashtoj as Realin nga kandidatura për të fituar Championsin. Kanë eksperiencë dhe kualitet. Pastaj vjen edhe Bajerni, një tjetër ekip i madh, që do të luftojë deri në fund. Për momentin janë të mirë Siti dhe PSG-ja".
Umtiti- "Ai stërvitet ashtu si
luan. Nuk i lë asgjë rastësisë. Jashtë fushës së lojës është një person i shkëlqyer. Nuk e njihja shumë përpara se të vinte në skuadër, por më impresionoi. Tani nuk surprizohem më, sepse u mësova nga mënyra se si luan".
Jeta familjare- "Të jesh baba është gjëja më e bukur që më ka ndodhur. I shoh gjërat në një tjetër mënyrë. Jeta ime është e përqendruar dhe e fokusuar tek ajo e fëmijëve të mi. Mateo habitet që mua më ndalojnë në rrugë, por Tiago ka filluar të kuptojë. Vjen në stërvitje dhe në stadium. Ndonjëherë në shtëpi më flasin: Mesi".