Hejnkes: Paderboni meriton respekt, por ne duam Berlinin
Trajneri: Hames është si një dhuratë nga Zoti
Bajerni i Mynihut udhëheq kampi onatin gjerman me plot 18 pikë diferencë nga vendi i dytë. Bundesliga mund të quhet një kapitull i mbyllur dhe vëmendja është te Kupa e Gjermanisë, ku bavarezët synojnë të shkojnë deri në fund. Kundërshtari në çerekfinale është Paderboni, një ekip që luan në Bundesligën e 3-të gjermane. Askush nuk beson te një surprizë, edhe pse kupa jo pak herë ka dhuruar të tilla. Por Bajerni nuk mund që t'ia lejojë vetes një hap fals ndaj një kundërshtari që militon kaq poshtë. Në konferencën për shtyp të ditës së djeshme, Jup Hejnkesi foli për gjithçka po ndodh në shtëpinë bavareze.
Sa e njihni Paderbonin? Ata luajnë shumë të strukturuar. Kanë një kundërsulm të shpejtë dhe mund të na vënë në vështirësi në qoftë se nuk i marrim seriozisht. Në kategorinë ku luajnë, kanë shënuar 55 gola dhe në kupë kanë eliminuar ekipe si St. Pauli, Bohum dhe Ingolshtad. Nisur nga ky fakt, loja do të luftohet deri në fund. Nuk kam dyshime që do të kalojmë për në turin tjetër.
I druheni nënvlerësimit të kundërshtarit?
Harrojeni V Nuk do të ndodhë kurrë. S'do të tolerojmë askënd. Aq më tepër kundër një kundërshtari me kaq shumë disnivel nga ne.
Kur pritet rikthimi i Nojerit dhe Tiagos?
Nojerin e takova në palestrën e klubit. Doktorët e ekipit janë shumë optimistë mbi gjendjen e tij. Nuk duam të vendosim një datë për rikthimin, pasi kjo do ta vinte shumë nën presion. Ndërsa Tiago është stërvitur pothuajse normalisht gjatë gjithë këtyre ditëve. Të ishte për lojtarin, ai donte të luante që nesër (sot). Por si trajner, unë nuk mund të rrezikoj që ta përfshij në formacionin bazë, duke pasur parasysh dëmtimin që ka pasur. Të mos harrojmë që lojtari duhet të jetë gati edhe për Botërorin në qershor.
Si është gjendja e Boatengut?
Ai vuan nga një gjendje gripale që ka përfshirë të gjithë familjen e tij. Në këto kushte është e pamundur që ai të jetë pranë ekipit. Mund të rrezikohen dhe lojtarët e tjerë, vetëm duke i qëndruar pranë.
A jua vështirësoi lojën terreni në Mainc?
Në Mainc luajtëm një futboll të bukur. Arritëm të kombinonim mirë. Gjendja e
fushës nuk ishte optimale, por ne iu përshtatëm kushteve. Dhe, sot, nuk do ta kemi problem përshtatjen në atë fushë. Një ekip i mirë duhet ta zgjidhë ndeshjen në çdolloj terreni.
Ç'kujtime keni nga Berlini?
Jam shpallur një herë kampion në kupë si lojtar. Atëherë finalja u luajt në Dyseldorf, luanim kundër Këlnit në vitin 1973. Por Berlini është diçka speciale, më kujtohet kur fituam kupën në 2013. Kujtime shumë të bukura, duam t'i përjetojmë përsëri.
Por, më parë, duhet të kalojmë Paderbonin.
Si e vlerësoni punën e Salihamixhiçit?
Skuadra është me fat që ka në gjirin e saj një njeri si Hasan Salihamixhiç. Kam vazhdimisht kontakte me të, e njeh mirë situatën në klub
dhe ka një marrëdhënie të shkëlqyer me lojtarët. Po bën jashtëzakonisht mirë në detyrën e tij për të rinuar ekipin, komplimentet e miaV
Edhe Hames Rodrigez duket i rilindur...
Hames është një gur i çmuar për Bajernin, një dhuratë nga Zoti. Jam i kënaqur që e kam në ekip dhe ai duket i kënaqur te ne. Nuk është e lehtë të ambientohesh kur vjen nga një vend i huaj.
Si është gjendja e 0idalit? Kemi folur në telefon të hënën, kur të shoh që do të stërvitet pa probleme, do ta grumbulloj.