Presidenti, pse bëhet “lufta”
Formimi dhe CV, ja tre kandidatët që pretendojnë fronin e qeverisë së futbollit
Asambleja e P ë r g j i t h s h m e Zgjedhore, që do të zhvillojë punimet e saj sot në Durrës, do të zgjedhë anëtarët e rinj të Komitetit Ekzekutiv si dhe Presidentin e Federatës Shqiptare të Futbollit. Prej disa javësh, është zhvilluar gara dhe fushata mes tre kandidatëve, ku fokusi kryesor ka qenë për postin e kreut të institucionit të qeverisë së futbollit. Por, në të vërtetë, cilat janë kompetencat e kreut të FSHF-së, post për të cilin është duke u zhvilluar edhe "lufta" më e madhe mes presidentit aktual Armand Duka dhe deputetit Bashkim Fino, të cilët kanë shkëmbyer mes tyre edhe akuza të ashpra në intervistat dhe daljet publike, si dhe në debatin televiziv që patën mes tyre, duke e konsideruar si tejet të rëndësishëm marrjen e kësaj detyre.
ROLI DHE KOMPETENCAT
Siç saktësohet edhe në Statut, presidenti është përfaqësuesi ligjor i FSHF- së dhe figura përfaqësuese e institucionit të futbollit. Ai është shprehje e unitetit të institucionit dhe sigurisht është përcaktues në politikat e tij për zhvillimin e futbollit shqiptar. Presidenti zgjidhet drejtpërdrejt nga Asambleja e Përgjithshme Zgjedhore, e cila mbahet një herë në katër vjet.
Presidenti i Federatës Shqiptare të Futbollit është përcaktues si në politikat e brendshme, ashtu edhe në ato të jashtme të institucionit të futbollit. Ai është hartuesi kryesor i strategjisë që do të ndjekë Federata e Futbollit dhe ndjek në dinamikë detyrat dhe objektivat e një programi të miratuar nga Asambleja e Përgjithshme.
DETYRAT
Të mbledhë Asamblenë e Përgjithshme dhe Komitetin Ekzekutiv. Ai gjithashtu drejton Asamblenë e Përgjithshme dhe mbledhjet e Komitetit Ekzekutiv. Presidenti i FSHF- së mbikëqyr zbatimin e vendimeve të miratuara nga Asambleja e Përgjithshme dhe Komiteti Ekzekutiv dhe siguron funksionimin e rregullt dhe efektiv të organeve dhe departamenteve te FSHF-së, në mënyrë që të arrihen objektivat e përcaktuara. Presidenti dhe Sekretari i Përgjithshëm ose njëri nga zëvendës- presidentët dhe Sekretari i Përgjithshëm mund të firmosin së bashku në emër të FSHF-së, përveç rasteve kur është vendosur ndryshe në rregulloret e brendshme organizative të Sekretariatit të Përgjithshëm të FSHF-së. Presidenti i Federatës Shqiptare të Futbollit mban lidhjet midis FSHF-së dhe anëtarëve të saj, konfederatave ndërkombëtare FIFA dhe UEFA, me organizmat politike dhe organizata të tjera. Ai mbikëqyr funksionimin e Sekretariatit të Përgjithshëm.
Presidenti emëron trajnerët dhe stafet teknike të ekipeve kombëtare pasi është konsultuar me anëtarët e Komitetit Ekzekutiv.
Në rastet kur Presidenti mungon, detyrat e tij plotësohen nga zëvendëspresidenti i parë. Në rast se edhe ky i fundit mungon, atëherë përgjegjësinë e merr zëvendëspresidenti i dytë. DORËHEQJA
Në rastet kur presidenti jep dorëheqjen gjatë mandatit të tij, Komiteti Ekzekutiv zgjedh një nga anëtarët e tij të kryejë funksionin e presidentit të përkohshëm. Komiteti Ekzekutiv mund të thërrasë Asamblenë e Përgjithshme të jashtëzakonshme për të zgjedhur një president të ri për kohën e mbetur nga mandati. Nëse Asambleja e Përgjithshme e radhës mbahet brenda gjashtë muajve atëherë nuk mblidhet Asambleja e Përgjithshme e Jashtëzakonshme dhe zëvendëspresidenti i parë merr funksionet e Presidentit.