Flet Dimo: Turbina s'ka shans!
"Pas kësaj ndeshjeje, luajmë me kryesuesit dhe s'është çudi të dalim pa pikë"
Në sfidën e përmby lljes së fazës së dytë, Apolonia e nis aksionin nga kundërshtari i radhës, Turbina e Cërrikut. Fierakët e kanë me detyrim që të bëjnë lojë të mirë dhe të sigurojnë trepikëshin për përforcimin e pozitave në renditje. Edhe pse kundërshtari vlerësohet maksimalisht, stafi teknik me në krye trajnerin Kashami është munduar që të punojë me lojtarët në aspektin psikologjik. Futbollistët janë në formë të mirë dhe në fushë do të jenë ata që kanë treguar formë të mirë në ndeshjet e fundit, por edhe seancat stërvitore. Fakti që do të luhet në shtëpi është një plus më shumë dhe shpresohet që ndryshe nga ndeshjet e
NAFTËTARI kaluara, mbështetja e tifozëve të jetë disi më e konsiderueshme. Aktualisht, Apolonia është në vendin e katërt në grupin B, ku edhe bën pjesë me një diferencë prej dy pikësh nga vendi i pestë që mbahet nga Pogradeci. Edhe pse me një grup ku ngjitja në Superiore
TURBINA është pak e vështirë, duke parë organikën me lojtarë të rinj që kanë fierakët, por edhe marshimin në krye të Tiranës, skuadra e Kashamit kërkon që në mbyllje të fazës së dytë të jetë në pesëshen e parë.
Deklarata - "Jo se e nënvlerësojmë Turbinën, por kemi besim në vetvete". Kështu shprehet fillimisht kapiteni Amarildo Dimo, që thekson se ky është edhe mendimi i të gjithë ekipit. "Vijmë nga një humbje me Shkumbinin që nuk e kishim llogaritur si të tillë dhe na duhet jo thjesht të bëjmë autokritikë, por të rikuperojmë dhe të ndjekim ritmin në vijim të objektivave. Pak javë na kanë mbetur dhe duhet të marrim sa më shumë pikë, pasi çdo ekip po bën maksimumin. Do të ishte e pafalshme nëse rrëzoheshim tani kur nuk duhet, pasi gjatë gjithë kohës kemi qenë mes 5 të parave. Vetë ne nuk do e pranonim dot diçka të tillë. Turbina? Nuk është kundërshtar i lehtë, 'ia nxiu' Tiranës'. Nuk nisemi nga fakti që kemi fituar fazën e parë se gjërat kanë ndryshuar dhe ata kërkojnë pikë në çdo ndeshje, pasi të tillë pozitë të vështirë kanë. Gjërat asnjëherë nuk maten si në letër, kjo është e veçanta e futbollit. Megjithatë, duke u përpjekur të gjykoj me gjakftohtësi, them me bindje se Apolonia e kalon me fitore këtë ndeshje, por jo se kjo është e sigurt dhe se me fitimin e saj objektivat u arritën. Kemi ndeshje jashtëzakonisht të vështira pas Turbinës, me 3 ekipet kryesuese, ku nuk është çudi të dalim pa pikë, pasi futbolli është i paparashikueshëm", ka mbyllur Dimo për "Panorama Sport".