Debutim me gol te kazakët, Llullaku irmos tek Entela
Sulmuesi udhëtoi dje drejt talisë, bashkohet me lijin në Serinë B
Nga Kazakistani, në Serinë B. Sulmue si i Kombëtares shqiptare përjetoi një situatë të çuditshme në merkaton e transferimeve, që pas përfundimit të aventurës me Tobol dhe Astanën. Mirëpo, periudha e zhvillimit të fazës përgatitore e gjeti shqiptarin pa ekip dhe ai u stërvit me dy skuadra të ndryshme. Në fillim, me Gaz Metan Medias për të ruajtur formën dhe së fundmi me Ordabasin, sërish ekip kazak.
GOL NË DEBUTIM
Në ndeshjen e tij të parë me Ordabasin, sulmuesi i Kombëtares shënoi gol. Debutimi pozitiv i Llullakut me ekipin kazak, në miqësoren kundër Slovackos, nuk mjaftoi që shqiptari t'i vijonte ditët e përgatitjes me këtë skuadër dhe të bëhej pjesë e saj. Nga sa është bërë me dije në mediat kazake, disa detaje të marrëveshjes mes tij dhe skuadrës së Ordabasit nuk janë përputhur për të nënshkruar një kontratë për sezonin në vijim. Futbollisti kuqezi, disa ditë më parë, deklaroi në mediat rumune se Kazakistani ishte zgjedhje e keqe, e bërë në karrierën e tij, pasi nuk përshtatej. Dhe, pikërisht afrimi me Ordabasin ishte edhe çudia e parë për sulmuesin, kur nisi fazën përgatitore. Ekip, me të cilin as debutimi me gol nuk mjaftoi për drejtuesit e klubit që ta bindnin shqiptarin dhe të plotësonin kërkesat e tij për të nënshkruar kontratë, duke qenë se vlera e transferimit ishte zero.
ITALIA
Azdren Llullaku është një
futbollist i lirë. Dhe si i tillë, ndonëse në shumë kampionate europiane është mbyllur merkatoja e transferimeve, sulmuesi kuqezi ka shansin që të nënshkruajë. I tillë rast ndodhi edhe me Alijin pak kohë më parë dhe si për koincidencë, është skuadra e mbrojtësit të majtë, ajo e cila do të jetë streha e re e Llullakut në vazhdim. Për futbollistin kuqezi, Italia ka qenë një ëndërr dhe mundësi
në të shkuarën, ndërkohë që me nivelin e arritur në këtë fazë të karrierës së tij, do të tentojë që të lërë gjurmë në Serinë B italiane, duke firmosur me Virtus Entelën. Me këtë skuadër u bashkua edhe mbrojtësi Naser Alijio dhe objektivi i saj është që të sigurojë mbijetesën në Serinë B italiane dhe diferenca me skuadrën e Çezenës, që është e fundit e shpëtuar për momentin, është vetëm tre pikë.