Pica të vjedhura e mimoza, kur protesta është origjinale

Kore, vërshëllima dhe banderola: janë mënyrat e zakonshme, përmes së cilave tifozëritë u drejtohen skuadrave dhe lojtarëve për të përcjellë pakënaqësitë apo zemërimin. Megjithatë, ka edhe raste kur ndonjë “gjeni” zbulon protesta origjinale, argëtuese e absolutisht jashtë normales. Ja disa prej rasteve më skandaloze.

GJUMË PA DARKË - Episodi i fundit ndodhi vetëm disa ditë më parë: tifozët e klubit brazilian Portugesa, që u mposht në shtëpi nga Oeste me rezultatin 0-3, kanë kapur fatorinon, që po u dërgonte picat lojtarëve pas ndeshjes, i kanë paguar e i kanë ngrenë, duke lënë futbollistët pa darkë: gojëthatë, si brenda, ashtu edhe jashtë fushe.

HANI KËTË - Në rastin e radhës, gjithashtu, ßitet për të ngrënën, por këtë herë për diçka më pak të ngrënshme. Përkundrazi. Në dhjetorin e 2015-ës, tifozët e Lacios kontestuan ndaj skuadrës dhe presidentit Lotito, duke u paraqitur në qendrën sportive të “Formello”-s me thasë të mbushur me pleh dhe dy banderola: “Lotito: ti ha gjithçka, haje edhe këtë” dhe “Skuadrës: në m... doni të na mbysni, por në Þllim do ju bëjmë ta hani.”

MURI - Sezoni 2012-’13: tifozët e Rapidit të Vjenës, të mësuar me zonat e larta të klasiÞkimit austriak, por shumë larg nga kreu, ngritën një mur me tulla përpara selisë së klubit, duke varur edhe parullë: “Unë nuk mundem të hyj”, mesazh i drejtuar mbi të gjitha drejtuesit të përgjithshëm të klubit, Verner Kuhn, të cilit në të vërtetë iu ndalua hyrja në seli.”

SHUMË URIME - Në 2016-ën, tifozët e Katanias vendosën të protestojnë në mënyrë paqësore, por megjithatë shumë unike, si shkak i rezultateve negative të skuadrës. Protestë që “u shfaq” në qendrën sportive të klubit, ku tifozët e skuadrës jugore, në ditën e Festës së Gruas, u sollën futbollistëve një buqetë me mimoza dhe një banderolë ku shkruhej: “Shumë urime zonjusha!”

SHI DOLLARËSH - Jo vetëm klubet, edhe lojtarët, individualisht, kanë rënë shpesh pre e objekteve të kritikave. Si rasti i Xhixho Donarumës, për shembull, i cili verën e kaluar, si pasojë e vonesës së rinovimit me Milanin, është shënjestruar pas “jo”-së së parë për zgjatjen e kontratës: gjatë ndeshjes së Europianit U-21 mes Italisë dhe Danimarkës, mbi portierin u hodhën një “shi” dollarësh falsë dhe pas portës së tij u shfaq një banderolë shumë elokuente: “Dollaruma”.

KU SHËNOHET? - Në 2012- ën, tifozët e Magdeburgut, të paduruar nga mungesa e golave të skuadrës gjermane, e paaftë të shënojë në 5 ndeshje radhazi, patën idenë brilante (dhe argëtuese) që t’u tregonin lojtarëve të skuadrës rrugën e golit. Si? Me përdorimin e shumë shigjetave prej kartoni, të ngjyrosura, me të cilat nga shkallët e stadiumit tregonin portën kundërshtare. Një mënyrë tejet origjinale për të shfaqur pakënaqësinë në paqe dhe ironi.

FUNERAL – Shumë më pak argëtuese ideja e protestës së ideuar nga tifozët e Modenës, në tetor të vitit të kaluar. Pas humbjes në tavolinë, të sÞdës me Mestren, për arsye se nuk kishte një fushë të disponueshme, 400 mbështetës modenezë inskenuan varrimin e skuadrës së tyre të zemrës, duke mbajtur mbi supe një arkivol me ngjyrat e klubit të Modenës.

KARROTA – Nëse në “Formello” lacialët u paraqitën më thasë plot pleh, në bregun tjetër të Tiberit, tifozët e Romës bënë një gjetje disi më të butë, por po aq domethënëse. Në vitin 2015, tifozët verdhekuq shkuan në qendrën stërvitore të ekipit dhe lanë përpara kangjellave arka të mbushura me karota, pranë të cilave shkruhej: “Ju bëfshin mirë, lepuj!”

MINUTA 77 – Vitin e kaluar, Liverpuli njoftoi se biletat do të kushtonin 77 sterlina (rreth 100 euro) për arsye se klubi kishte kryer disa punime rregulluese mbi impiantin mitik. Pikërisht në ndeshjen e radhës ndaj Sandërlendit, tifozët vendas protestuan duke braktisur shkallët e “AnÞeld Road”, në minutën e 77-të të sÞdës.

VIZITË SHTËPIE – Lista e protestave të veçanta mbyllet me atë të tifozëve të Interit kundër Mauro Ikardit. Kapiteni kishte shkruar një biograÞ, në një nga kapitujt e së cilës vinte në diskutim edhe tifozët. Si kundërpërgjigje, ata zikaltër i shkuan poshtë shtëpisë duke i lënë edhe një parullë të gjatë disa metra, ku shkruhej: “Ne jemi këtu. Kur të vijnë shokët nga Argjentina, do të na njoftosh apo të mbushësh të mbathurat, si i pabesë?”.