Ringjallet Reali, 3 gola historikë për Ronaldon

Zinedin Zidan kamuflon ekipin dhe rigjen sulmin, por reparti i mbrojtjes shqetëson

Reali nuk dështon në provën gjenerale përpara ndeshjes me PSG-në në mesjavë, e vlefshme për Ligën e Kampionëve. Skuadra e Zidanit fiton 5-2 ndaj Real Sociedadit dhe u jep një sinjal të qartë rivalëve francezë se në "Bernabeu" do të jetë shumë vështirë. Pavarësisht pikëpyetjeve që kanë pasur gjatë gjithë kësaj kohe, madrilenët arritën të shpreheshin mirë në fushë dhe të dhuronin spektakël që në 45 minutat e para. Vendimtarë 3 golat e Ronaldos, i cili tregoi një formë pozitive dhe golat e Vaskezit dhe Toni Krosit.

I KAMUFLUAR - Zidan lë në stol Kasemiron, Bejlin dhe Iskon për t'i besuar fanellën e titullarit Lukas Vaskezit dhe Asensios. Ndryshime që i jepnin mundësi trajnerit për të provuar një vendosje taktike 44- 2, e alternuar në 4- 2- 3- 1. Lëvizje, të cilat shërbenin për të mos i dhënë një pikë referimi PSG-së. Që në minutën e parë, Ronaldo kroson bukur në zonë dhe Vaskez me kokë kalon në avantazh Realin, çka i jep mundësinë për të gjetur qetësinë dhe për ta menaxhuar lojën. Në pjesën e parë u shënuan 4 gola, njëri prej tyre spektakolar nga Toni Kros.

GOLAT HISTORIKËM brëmja e djeshme ishte historike për Kristiano Ronaldon, i cili shënoi "hat-trick"un perfekt. Një gol me të djathtën, një me të majtën dhe një me kokë. Nuk ndodhte kurrë në historinë e kampionatit spanjoll, por portugezi vazhdon të thyejë rekorde të njëpasnjëshme. Me 3 golat e djeshëm, ai i jep fund krizës në sulm dhe shndërrohet në rrezikun kryesor për PSGnë. Por, në pjesën e dytë, ekipi madrilen filloi të ruante energjitë dhe pësoi 2 gola. Diçka që duhet të shërbejë si motivim për të punuar gjatë këtyre ditëve. Sepse PSG-ja nuk ka në repartin e sulmit Kanales dhe Huanmi, por lojtarë si Nejmar, Kavani, Mbape dhe Di Maria. Të mërkurën pritet spektakël, e rëndësishme është që Zidan do të punojë i qetë pas fitores 5-2 për të luajtur duelin vendimtar të sezonit, i cili do të përcaktojë edhe fatin e tij...