Ikardi jashtë, Spaleti: Të dalim nga kriza
Frazat e "Corriere"-s: Fragment pa të vërteta, jam trajner me fat
Mauro Ikardi do mungojë edhe ndaj Bolonjës pas Krotones. Nuk do mundet të jetë prezent kapiteni zikaltër, i cili do duhet të presë transfertën në Xhenoa për të kërkuar golin numër 100 në Serinë A. Luçiano Spaleti nuk ka shumë kohë të mendohet, zgjidhja e problemeve interiste (asnjë fitore prej më shumë se dy muajsh) vjen e para.
REAGIM - "Kur mungon fitorja, skuadra nuk rikthehet në dhomat e zhveshjes me gëzim. Megjithatë, ka gjithmonë e më shumë dëshirë për të dhënë maksimumin gjatë javës. Lojtarë të ndryshëm të kësaj skuadre janë liderë, së bashku janë mbledhur gjatë javës dhe janë stimuluar. Karamoh? E interpreton futbollin sipas moshës së re që ka, i duhet pushim pas tërheqjes që pësoi, nuk mund t'i kërkoj sprinte prej 100 metrash, i mungon ekuilibri i duhur për të interpretuar lojën në skuadër. Rafinja ka nevojë të stërvitet me vazhdimësi, gjithashtu i duhet ta menaxhojë problemin, përndryshe rrezikon mbingarkesë. Mund të luajë si fantazist, më pak në krah edhe pse duhet të qëndrojë i avancuar, pa u detyruar të ndjekë kundërshtarin. Nuk më duket se ka prirje të veçanta në inkursion, ndërsa në qarkullimin e topit po".
IKARDI - "Mauro ka tentuar të qëndrojë me grupin, por në lëvizje ndien atë dhimbjen e lehtë, ndaj, të gjitha provat sjellin në përfundimin që më mirë duhet pritur, ekziston rreziku për ta humbur më gjatë".
VËSHTIRËSI - Duke parë rendimentin e ulur edhe nga Lacio e Roma, Spaleti a ndihet
një djalë me fat? "Ndihem shumë me fat, punoj në një ambient shumë të bukur, kam blerë edhe dy pemë për të mobiluar shtëpinë ku banoj. Përtej shakave, nuk mund të jetohet deri në fund me rezultatet e të tjerëve. Përndryshe të kapin edhe skuadrat që ndodhen shumë më prapa".
INOVACIONE - Duhet të presim ndonjë risi sot? "Duhet të rrisim nivelin e cilësive sulmuese në funksion të numrave të golave, pa humbur ekuilibrin e skuadrës. Këtë e tregon e kaluara, ndaj ky ekuilibër është thelbësor.
Duhet të japim një forcë më të madhe për të hyrë në zonën e rreptësisë kundërshtare. Modulet 4-2-3-1 dhe 4-3-3 u përshtaten shumë karakteristikave që kemi".
FRAZAT E "CORRIERE"S - Në fund, tekniku i rikthehet "dialogut" me grupin e tifozëve romanë, të përcjellë nga "Corriere della Sera": "Në atë artikull ka disa gjëra që nuk shkojnë". Spaleti konteston frazat lidhur me klubin që nuk shpenzon dhe Interin, që është një hap larg marrëzisë: "Një frazë, mbi të cilin nuk mund të bëjmë shaka, lexoj vetëm qëllimin për të na dëmtuar, e
krijuar artistikisht në mënyrë që të lindë një frakturë mes meje, drejtuesve dhe ambientit. Nuk është e pranueshme. Pas 20 ditësh (nga ai dialog me tifozët) të gjesh fjalët e duhura është e vështirë, por konceptin e kam shumë të qartë në kokë. Nuk ka pasur një evolucion të rezultateve, kjo është e vërtetë. Dhe nëse kam përdorur fjalën marrëzi, dhe përsëris 'nëse', i referohesha diferencave të këtyre rezultateve. Le të nxjerrim në dritë edhe ato 55 minuta të tjera bisede, meqenëse flitet për një bashkëbisedim prej një ore. Është ndërtuar një sintezë për të na dëmtuar".