Kreu i UEFA-s, letër urimi Dukës: Futbolli rrjedh në venat e tua
Aleksandër Ceferin: Të rinjtë dhe projektet, strategji suksesi
Nëpërmjet një postimi në faqen zyrtare, Federata Shqiptare e Futbollit ka bërë publik mesazhurimin e dërguar nga presidenti i UEFA-s, Aleksandër Ceferin për rizgjedhjen e Armand Dukës në krye të FSHF-së. Numri një i qeverisë së futbollit citon "rrjedhjen e futbollit në gjakun" e presidentit të rizgjedhur në krye të FSHF-së. Ja letra e urimit të Ceferin për Dukën:
I dashur z.President! I dashur Armand! Ju lutem të pranoni urimet e mia më të sinqerta për rizgjedhjen tuaj si President i Federatës Shqiptare të Futbollit. Unë jam në dijeni që ju jeni duke punuar në një bashkëpunim të ngushtë me ne dhe me Ministrinë e Arsimit, Rinisë dhe Sporteve në lidhje me projektin ambicioz e energjik 'GROË', me shkollat elementare përreth të gjithë Shqipërisë, duke inspiruar dhe afruar së bashku djem dhe vajza, fëmijë të këtyre shkollave të merren me futbollin. 'Grassroots' është dhe mbetet një pjesë vitale dhe integrale e zhvillimit të futbollit sepse përfshin në të çdo gjeneratë të re të futbollistëve dhe në të njëjtën kohë shërben për të nesërmen e klubeve dhe ekipeve kombëtare për ndërtimin e tyre.
Pa 'Grassroots' e ardhmja e futbollit do të ishte e vështirë të imagjinohej. Armand! Nuk ka asnjë dyshim që futbolli kalon në venat e tua dhe unë do t'ju uroj të gjitha të mirat në këtë 4- vjeçar të ri në krye të futbollit shqiptar. Së shpejti, ne do të inaugurojmë edhe impiantin e ri 'Arena Kombëtare', punimet e të cilit duket që po ecin mjaft mirë. Në pritje për t'u takuar së shpejti në Bratislavë, kur familja europiane e futbollit do të mblidhet për Kongresin e 42-të të saj! Përshëndetje të përzemërta Aleksandër Ceferin, President i UEFA-s.