"Vuajtëm ritmin e Totenhemit, por ia dalim"

Federiko Bernardeski pa për dy herë me radhë portierin Hugo Loris që t'i mohonte golin, në fillimin e pjesës së dytë, por sulmuesi i Juventusit është i bindur se, pavarësisht barazimit, në Londër, ai dhe shokët e tij mund t'ia dalin. "Nuk e kishin fajin dy golat e shpejtë që shënuam, sepse bëmë një ndeshje të madhe, përballë një skuadre po aq të madhe, por barazimi 2-2 është shumë i hidhur për ne, duke parë sesi e nisëm sfidën. Gjithsesi, asgjë nuk ka mbaruar, edhe pse dihet që golat në fushën kundërshtare vlejnë jo pak. Edhe ne kemi armët dhe cilësitë për të shkuar në Londër, për të shënuar dhe për të fituar. Në disa raste vuajtëm ritmin e Totenhemit, por është normale".