"Mesi i pandalshëm, duhet të luajmë në mbrojtje"

Alvaro Morata tregohet i sinqertë kur bëhet fjalë për diferencat e Lionel Mesit me të tjerët. Përpara duelit me Barcelonën në 1/8-at e Champions-it javën e ardhshme, sulmuesi thotë se argjentinasi është i pamarkueshëm dhe se Çelsi duhet të bëjë një ndeshje në mbrojtje për ta ndalur, edhe pse "pleshti" është përballur me blutë e Londrës 8 herë dhe nuk u ka shënuar ende (29 goditje), duke pasur rekordin më negativ të karrierës ndaj një skuadre: "Mesi është i pandalshëm. Nëse duam të marrim një rezultat të mirë në shtëpi, duhet të luajmë në mbrojtje".