STËRVITJA

Pas mbledhjes në ambientet e brendshme të stadiumit "Roza Haxhiu", skuadra iu drejtua palestrës pranë shkollës "Skënder Libohova", pjesë e kompleksit sportiv "Lushnja Sport Center" në qendër të qytetit. Kjo palestër ka qenë e vetmja mundësi për të zhvilluar seancën e radhës stërvitore në kuadër të ndeshjes me Flamurtarin. Anekset sportive, si dhe fushat e sajuara pas portave kanë qenë të përmbytura nga reshjet e shumta. Lushnja ka dy muaj që nuk stërvitet në fushën e stadiumit.