Spaleti: Brozoviç në depresion, nuk luan
Trajneri i nterit i përgjigjet edhe Di ran eskos: e mua, Roma luftonte me Napolin
Mauro Ikardi e Ivan Perisiç s'ia dalin: ishte ky konkluzioni i stërvitjes së fundit përpara nisjes së djeshme për në Gjenovë. Luçiano Spaleti e gjen veten për të tretën herë radhazi pa kapitenin dhe, për herë të parë, pa kroatin. Pa harruar mungesën e }hoao Miranda.
MAURO E IVANI JASHTË - Pa Mauron e Ivanin sepse "u kryen disa vlerësime, do donim t'i kishim, bëmë disa prova, por nuk pati përgjigje pozitive". Spaleti shton: "Do të jetë një ndeshje me ritme të larta. Rafinja duhet analizuar. Ka munguar në dy seanca stërvitore, nëse luan nga fillimi skuadra duhet të mbulojë 'mangësitë' e tij derisa të kapë formën optimale. Borhan (Valeron) po e monitorojmë përmes të dhënave: metrat që përshkon, inkursionet në zonën kundërshtare kur luan si fantazist. Mund të kalojë momente negative, por nuk është aspak në vështirësi".
RINISJE NGA VENDI I TRETË - Sot nis sërish gara, nga vendi i tretë, në një moment kur ambienti dukej depresiv: "Na i mbani larg depresivët. Kundër Bolonjës nuk më pëlqeu karakteri i skuadrës në superioritet numerik. Ndaj Xhenoas do të gjejmë një stadium plot entuziazëm, por nuk pranoj alibi".
SKUADRA VIRTUALE - Merkato është një temë që rikthehet: "Sot (dje) po komentonim ato që shkruajnë gazetat. Do t'i këshilloja presidentit të ndërtonte një skuadër të tretë: atë që kemi, ekipin e femrave dhe një virtuale që të stërvitet nga drejtuesit. Këto biseda duhet t'i bëni me ta. Disa tifozë ndalën Ederin dhe i thanë të largohej, sepse do të vinte Starrixh. Ata duhet që ta mbështesin këtë skuadër, nëse i japin një dorë është më e lehtë". Në çfarë pike ndodhet ky Inter? "Është i pashprehur, por kur të mbërrijë në fund të kampionatit do të thotë të vërtetën. Shoh angazhim, gatishmëri në të mësuarin e koncepteve. Nuk
mungon ekuilibri kujtoni shtyllat e goditura (janë 15), le të fitojmë ndonjë 'çmim'W".
DËNIM PËR BROZOVIÇ - Brozoviç do të jetë i grumbulluar, por "jo titullar, kam zgjedhur dikë tjetër. Jemi ballafaquar edhe për gjestin e së dielës së kaluar. Marselo ka
kërkuar menjëherë ndjesë. Ai është i turpshëm dhe introvert. Pati frikë se mos e përkeqësonte gjendjen, mesazhi që publikoi në "Instagram" është i rëndësishëm. Është stërvitur shumë mirë gjatë javës, nëse do të kem nevojë nesër (sot) do ta përfshij në 11-she dhe jam i
bindur se do më japë gjithë cilësinë e tij".
TOTI DHE POLEMIKA ME DI FRANÇESKON - I pashmangshëm një koment për Totin: "Është shprehur në mënyrë të qartë. Shënon një pikë precize për atë çka është raporti ynë. Nga ana ime do të ketë gjithmonë gatishmëri, por më vjen keq që e mendon në atë mënyrë...". Tekniku zikaltër shfrytëzon momentin dhe i përgjigjet edhe Di Françeskos që, pas BeneventoRoma, kishte nënvizuar se "disa skuadra godasin gjysmë here portën, ndodhen sipër nesh dhe fitojnë ndeshjet". Spaleti ka replikën gati: "Nëse na referohet neve, meqenëse nuk është hera e parë, them se ka të drejtë, sepse Roma mund të qëndronte më lart: në fakt, vitet e mëparshme ishte mësuar të luftonte për kampionatin bashkë me Napolin thjesht po i jap disa referenca".
SHKRINJAR ËNDRON GJATË - Lojtarë që vijnë, të tjerë që ikin Shkrinjar ka dëshirë të qëndrojë: "Nuk kisha dyshime, por ka pasur një gabim përkthimi, i cili është bërë në një të natës (qesh). Shkrinjar qëndron për shumë kohë".