Një belg dhe një spanjoll, ja kush e hetoi Skënderbeun
Karl Dhont dhe Migel Fernandes Palacios
Inspektorët e Etikës dhe Disiplinës përfaqësojnë UEFA- n në procedurat para Organit të Kontrollit, Etikës dhe Disiplinës në UEFA, si dhe trupës së Apelit. Ata mund të nisin një hetim disiplinor dhe mund të paraqesin ankesa kundër Organit të Kontrollit, Etikës dhe Disiplinës dhe të përfaqësojnë UEFA- n në rast të një ankimimi në KAS, kundrejt vendimeve të trupës së Apelit. Më konkretisht, me kërkesën për Skënderbeun, janë marrë inspektorët Karl Dhont dhe Mi gel Lietard Fernendez-Palacios. Ky i fundit është spanjoll dhe njihet si miku i ish- presidentit të Federatës së Futbollit të Spanjës, Angel Maria Vijar, i cili ka qenë disa herë në Shqipëri në Asambletë e FSHF- së. Karl Dhont
Belgu është një ekspert në fushën e basteve, teksa është përfshirë në trupën e Komisionit Disiplinor në vitin 2009. Jo vetëm kaq, por institucioni europian i futbollit i ka dhënë drejtimin e zyrës së anti korrupsionit, e krijuar pikërisht në momentin kur Karl Dhont është bërë pjesë e trupës së Komisionit Disiplinor. Ai bëri zbulimin e madh të skandalit kinez të Zhejun Ji në dimrin e vitit 2005. Në atë kohë, Dhont informoi presidentin e ST. Truiden mbi lëvizjet e dyshuara të koeficienteve të basteve në sferën aziatike.
Migel Fernendez- Palacios
Është një jurist spanjoll, i cili e ka nisur karrierën e tij në vitin 2010 në një studio ligjore të emërtuar "Sport Advisors". Kjo kompani është në pronësi të Gorha Vijar, i biri i Angel Maria Vijar, si dhe ka përfaqësuar juridikisht në KAS çiklistin Alberto Kodandor.
Në vitin 2013, spanjolli është përfshirë në trupën disiplinore. Jo vetëm kaq, por ai ka qenë inspektori i dytë që ka hetuar mbi çështjen e Fenerbahçes në sezonin 2010- 2011, kur dyshohej për trukimin e rezultateve në kampionatin turk.