Barcelona, sa shumë vuajtje për 3 pikët kundër Eibarit
Katalanasit nuk shkëlqejnë, por bëjnë detyrën
Barcelona ka marrë 3 pikë shumë të vlefshme përballë Eibarit, që për të thënë të vërtetën luajti më mirë se katalanasit kur ishte me 11 lojtarë në fushë, por edhe kur mbeti me 10 për shkak të kartonit të kuq ndaj Orejanës. Rezultati 02 është e vetmja gjë pozitive nga pasditja e djeshme dhe Ernesto Valverde duhet të nxjerrë mësime të mira përpara ndeshjes në Ligën e Kampionëve. Sepse përballë do të ketë një ekip të fortë si Çelsi i Antonio Konte. Falë dy golave të Suarezit dhe Albës, Barcelona arriti të rikthehej te fitorja pas 2 barazimesh radhazi duke mbajtur të njëjtën distancë me ndjekësit më të afërt (pavarësisht rezultatit të Atletikos). Valverde tha se do ta luante këtë ndeshje sikur të ishte e fundit në jetën e tij dhe kishte hedhur në fushë formacionin më të mirë. Pa bërë rrotacione, madje duke mbajtur Kutinjon në stol, edhe pse ai nuk luan dot në
Champions. Goli i Suarezit që në minutën e 16-të krijoi idenë se katalanasit do të dominonin dhe do të bënin goleadë. Pas një topi perfekt nga ana e Mesit, uruguaiani depërton në zonë duke dribluar edhe portierin, për ta ndalur topin në rrjetë. Megjithatë, Eibari vuri në rrezik avantazhin
e Barcelonës disa herë dhe për më tepër goditi shtyllën, po ashtu siç bëri edhe Lionel Mesi. Barcelona kishte probleme në mesfushë dhe humbi shumë topa, aq sa Eibari u bë i rrezikshëm dhe krijoi volum loje. Këta të fundit ishin të pasaktë në finalizimin e aksion-
eve. Por, për të larguar makthet dhe fantazmat e kësaj ndeshjeje mendoi Alba, i cili nuk gaboi dhe shënoi golin e dytë në fundin e sfidës. Një rezultat që jep qetësi për kampionatin, por jo shumë garanci për duelin në mesjavë në Ligën e Kampionëve.